Ka kynhun tohkit Special Investigation Team (SIT) jong ka Jylla Meghalaya ki la khot tohkit ïa u hynmen ka Sonam Raghuvanshi, u Govind Raghuvanshi sha thanat ki pulit ka Indore Crime Branch.Ki katto katne ngut ki Pulit ka Meghalaya la katto sngi kila don ha Indore, Madhya Pradesh ban tohkit shuh shuh halor ka jingshah pynïap u Raja Raghuvanshi ha Sobra.
Haka 18 tarik Jylliew ki pulit ki la leit ban tohkit ha ïing ka Sonam Raghuvanshi, bad ha ophis treikam u Raja Raghuvanshi kynthup ha kudam buh mar.Ban nang pynkhlain shuh shuh iaka jingtohkit, ki Pulit ka SIT hynne ka sngi ki la phah wan ïa u Govind Raghuvanshi lem bad ïa 3 ngut ki nongtrei u Govind sha thanat Crime Branch ban tohkit.
Naka liang u Superintendent of Police (SP) East Khasi Hills u Bah Vivek Syiem u la pyntip ba ki Pulit kila dep tohkit ïa u Govind bad kila dep ruh ban pynthikna, mano u Dribar uba pynpoi iaka Sonam sha Uttar Pradesh.U SP u la ïathuh ruh ba ki Pulit ki dang pynlong ka jingwad iaka sa ïa kawei ka Phone jong ka Sonam