Ha kawei ka jingjia tyngkhuh kali kaba la jia ha ka miet jong ka 11 tarik Lber la iathuh ba 2 ngut ki nongleit nongwan kiba shong ha kawei ka auto rickshaw ki la mynsaw jur hadien ba kane ka auto kaba ki shong ka la shah tynrah na bynta ba shadien ha kawei ka Maruti Alto ba la niah da u dribar ba la shoh khawiang bha. Katkum ka khubor ba la iohlum, la iathuh ba kane ka jingjia shah tynrah katei ka auto rickshaw kaba don ia u number ML 10 A 7293 katba ka dang thmu ban hiar sha ki thaiñ Nongpoh ka la shah tynrah noh ha kawei ka Maruti Alto kaba don ia u number WB 20 B 8621 hajan ka Bethany Hospital ha Pahamsyiem ha kaba ar ngut kiba shong ha kane ka auto rickshaw ki la mynsaw.
Ar ngut kiba la mynsaw ki kynthup ia u Ramjan Ali (27) bad u Damewanshwa Khriam (18), ia kine ar ngut la rah noh sha Nongpoh Civil Hospital ban shah sumar hynrei la pynkynriah noh ia u Damewanshwa sha ki hospital ha nongbah Shillong namar ka jingmynsaw kaba jur.
La iathuh ruh, ba ki pulit ka Nongpoh Traffic Branch ki la poi ha katei ka jaka ban tohkit bad rah noh ia u nongniah jong ka Alto bad auto rickshaw sha Civil Hospital Nongpoh ban khmieh bniah ia ki, bad hadien ba la check up la lap ba u nongniah ka Alto u Pynhun Marsing u la niah ia ka kali hapdeng ka jingshoh u khawiang bad la rah noh ia u sha Nongpoh Police Station.
You may also like
-
Ka Rain Museum kaba nyngkong eh ha ka pyrthei kan plie ha Mawsynram, Meghalaya
-
Kwah u Bah Paul ban thaw ia ka Album jingrwai bad kiba duna dkhot met
-
Lada pyntreikam ILP ne MRSSA, kim dei ban pyndik ia ki nongshong shnong
-
Ka NPP ka la pynkhreh ban iakhun ilekshon ha GHADC:Rakkam
-
Dang ap jingmynjur ka Sorkar ban pyndep ia ka Leshka Hydro stage-II