U Bah Vivek Syiem kum u SP EKH, Bah Banraplang Jyrwa SP SWKH

Ka Tnad Home (Police) jong ka jylla ka la pynmih ka jingpynbna ba la kyntiew kyrdan bad pynkynriah kam ia ki katto katne ki heh pulit ka jylla. Ha kane ka jingpynbna ba la pynmih da u Secretary ka tnad Home (Police) ka sorkar jylla u Bah Cyril V Diengdoh ula pyntip na ka bynta ka bha ka miat ban ai jingshakri ia ki paidbah ka don ka jingkyntiew kyrdan bad kumjuh ruh ka jingpynkynriah kam ia ki heh pulit katkum ki jingai jingmut ka Civil Services Board (CSB) bad ka Police Establishment Board (PEB).Ha ka jingpynbna, u Dr. Raghavendra Kumar M.G, uba long u Deputy Inspector General of Police (WR), Tura ula shah pynkynriah kam bad la thung noh ia u kum Deputy Inspector General of Police, CID, Shillong kaba dei ka kam kaba lait thylli. La kyntiew kyrdan ia ki IPS officer kiba kynthup ia u Jerry F.K Marak u Commandant ka 2nd MLP Bn, Goeragre, West Garo Hills, Tura bad mynta yn shimti noh kum u Deputy Inspector General of Police (WR), Tura ha ka jaka jongu Dr Raghavendra Kumar M.G.

Hadien ka jingkyntiew kyrdan, ka Jubi G. Momin, kaba long ka Superintendent of Police, Anti-Infiltration Directorate, Shillong, kan shimti noh kum ka Deputy Inspector General of Police (Administration), Shillong. Ki heh pulit ophisar u Jagpal Singh Dhanoa, bad u Shailendra Bamaniya, kila shha kyntiew kyrdan bad kumta u Jagpal yn bteng ban shimti kum u Superintendent of Police, ANTF, Shillong bad u Shailendra yn bteng kum u Superintendent of Police, South Garo Hills District, Baghmara. U Bah Sylvester Nongtnger u Superintendent of Police ka East Khasi Hills District, ula shah pynkynriah kam noh bad yn shimti noh kum u Senior Superintendent of Police, TAP, Shillong katba u Bah Vivek Syiem, Assistant Inspector General of Police(L&O), Shillong yn shimti noh kum u Superintendent of Police ka East Khasi Hills District, Shillong.

U Bah Maxwell B. Syiem, Superintendent of Police, Eastern West Khasi Hills District, Mairang ula shah pynkynriah kam bad yn bat noh kum u Superintendent of Police, Anti-Infiltration Directorate, Shillong, katba u Bah Goldenbert D. Kharwanlang, Superintendent of Police, South West Khasi Hills District, Mawkyrwat ula shah pynkynriah kam bad yn shimti noh kum u Superintendent of Police, Anti-Terror Squad, Shillong. U Billy Graham Marak uba long u Superintendent of Police, Anti-Infiltration Directorate, Tura ula shah pynkynriah kam noh bad yn shimti noh ia ka kam Commandant, 2nd MLP Bn, Georagre, West Garo Hills. U Bah Banraplang Jyrwa, MPS, uba bat kum u Addl SP ka Ri-Bhoi, ula shah pynkiew kyrdan kum u Superintendent of Police ka South West Khasi Hills, Mawkyrwat. U Bah Dangsan Khyriem, MPS, ubu bat kum u Addl SP ka CBPS, Eastern Range, ula shah pynkiew kyrdan kum u Superintendent of Police ka Eastern West Khasi Hills, Mairang ha ka jaka u Bah Maxwell B Syiem, IPS, u ban leit shimti mynta ia ka kam SP ka Infiltration Directorate. Nalor kitei ki kyrteng kiba la kdew haneng, ki dang don shuh shuh ki heh pulit kiba la shah kyntiew kyrdan bad shah pynkynriah kam noh shawei.