Tang hadien khyndiat kynta ba ka shnong Nongrmai ka la pynmih ïa ka khubor ha ka 17 tarik u risaw 2025 halor ka jingwan bret pathar ki briew ïa ki jaboh kum ki Huggies bad kiwei kiwei hapoh u pud u sam jong ka shnong, ha katei kajuh hi ka sngi ka 17 tarik u risaw 2025, la lap noh ïa ki briew kiba wan bret ïa kitei ki jaboh ha katei ka shnong.
U sordar ka shnong Nongrmai u bah Shailestar Nongrang ula ïathuh ba hadien ba la lap ïaki briew kiba wan bret jaboh ha Nongrmai, kitei ki briew ki la wan ban panmap bad ka shnong ruh ka lamab bad kala weng noh ïa ka FIR na Mairang Police Station. U la ïathuh ruh ba hadien ba ka shnong ka la ïoh ban ïa kren, kitei ki briew haka 18 tarik u Risaw 2025 kila wan ban pynkhuid noh ïa ki jaboh ba kila wan bret bad ka shnong kala ai ïa ka jaka ba kin tep ïa kitei ki jaboh.
U bah Nongrang ula kyntu ïa ki paidbah ba ki dei ban long kiba lehkhuid ïa ka mariang namar ka mariang kam dei ka liewsboh jong ki jaboh jabain bad haka juh ka por ula kyntu ïa ki Nongñiah kali ba kim dei ban shah ïa ki nongleit nongwan kiba shong ha ki kali jong ki ba kin bret pathar ïa ki jaboh harud surok namar bun sien la lap ba ka jingpynjaboh ïa ka rud surok kadei kaba mih naki kali.
You may also like
-
Iathir ki heh shipai Assam Rifles ban pynkhlain bad pyntbit ia ki shipai
-
Mynsaw ki khynnah skul ba kyrwit u phria bad erïong ha Jakhong
-
Kan poi ka por ngin ialeh thma na bynta ka um lada ngim iada ia ki tyllong um:DC
-
T.4.61 klur mang ban tei ia ka R&D Centre ha State Food Testing Laboratory Laboratory
-
Ka Meghalaya ka duna ki ‘Doctor Specialist’, ngi don tang 30 percent: Wailadmiki Shylla