Ka Chandigarh ka la wan ba nyngkong ha ka Performance Grading Index (PGI) ka sorkar India, kaba dei ka jingshim jingkhein bad pynshong dor ia ka jinglah ne performance jong ki jylla bad ki Union Territories halor ka pule puthi ha ka ri. Katkum ka jingkhein jong ka PGI, ka jylla Meghalaya ka poi ha trai duh ha ka pule puthi da kaba kamai tang 417.9-point. Ka Meghalaya ka dei tang ma ka, kaba poi sha trai duh ha ka kynhun ba shiphew ne lowest grade ha 2023-24. Ka Meghalaya ka kamai 401.6 point ha 2022-23, bad ka kiew tang khyndiat ha ka kaiphod 2023-24. Kane ka jingpynshong nongrim ka long naduh ka jinghikai, ki jingbiang ki jingdonkam bad ka jingpynrung ne ka jingpdiang skul ia ki khynnah, ka jingbiang ka jinghikai bad ki jingbiang ki jingdonkam ia ki khynnah. Ia ki jylla bad ki Union Territories la pyniahap ha ki kyrdan bapher bapher naduh 951–1,000 points, termed level 1 ne ‘daksh‘ ka dei ka kyrdan ba hakhmat eh, nangta na 401–460 points kaba pyniahap kum ka termed level 10 bad ka ‘akanshi-3′, kaba dei ka kyrdan kaba ha trai duh ne lowest level.
Ka Chandigarh ka la ioh 703, ka wan ha ka kynhun ba san ne fifth band, ‘prachesta-1′. Hadien ka Chandigarh, 11 tylli ki jylla bad ki UTs ki don ha ka seventh band, ha kaba ki ioh hapdeng 581-640 bad kine ki dei ka Punjab, Delhi, Gujarat, Odisha, Kerala, ka Union Territory ka Dadra bad ka Nagar Haveli, ka UT ka Daman and Diu, Haryana, Goa, Maharashtra, bad ka Rajasthan.Khadsan tylli ki jylla bad ki UTs ki ioh ha ka kynhun ba phra ne eighth band, da kaba kamai point hapdeng 521–580, katba 10 tylli ki poi ha ka kynhun ba khyndai ne ninth band, da kaba kamai hapdeng 461–520. Katba 24 tylli ki jylla bad UTs kila kham nang kiew ha ka jingioh point ha 2023-24 haba ianujor bad ka 2022-23, katkum ka kaiphod. Hynrei kiwei ki jylla bad ki UTs, kim shym la lah ban leh bha hapdeng u 2022-23 bad 2023-24 bad kine ki kynthup ia ka Bihar, Andaman and Nicobar Islands, Chhattisgarh, Jharkhand, Karnataka, Ladakh, Lakshadweep, Mizoram, Tamil Nadu, Uttarakhand, bad ka West Bengal. Ha ka kyrdan ka jingmih soh jong ka jinghikai, kaba dei ka bynta kaba kongsan tam, ka Chandigarh, Punjab, bad ka Puducherry ka poi ha ka kynhun ba hynriew ne sixth band kaba khot ‘prachesta-2′, katba ka Haryana bad ka Jammu and Kashmir ki poi ha ka kynhun ba hynnniew ne seventh band kaba la khot ka ‘prachesta-3′.
Katba baroh kiwei ki jylla ki don shapoh kane ka kyrdan. Ha ka jingsuk ban ioh rung skul, ka Odisha ka wan ha kaba nyngkong da kaba ioh ha ka kynhun ba nyngkong ne 1st band ba khot ka ‘daksh‘, kaba mut ka jingioh point ka long hapdeng 941–1,000. Shiphew tylli kiwei pat ki jylla kiba bud ia ka Odisha ki ioh ha ka kynhun baar ne second band, kaba la khot kum ka ‘utkarsh‘, ki ioh point hapdeng 881–940 bad kine ki long ka Chandigarh, Goa, Tamil Nadu, Karnataka, bad ka Telangana, nalor kiwei. Ka kaiphod kala kdew ba ka Bihar bad ka Jharkhand ka la nang kham leh bha ha kaba iadei bad ka jingrung skul ki khynnah hapdeng u 2022-23 bad 2023-24, da kaba kiew na ka kynhun ba hynriew ne sixth band sha ka kynhun ba san ne fifth band. Ha kaba iadei bad ka jingbiang ki jingdonkam kum ki iing skul bad ki tiar ki tar, tang ka Chandigarh kaba wan ha ka kynhun balai ne third band kaba la khot kum ka ‘ati uttam‘, kaba kamai point hapdeng 821–880. Ka UT Dadra and Nagar Haveli, bad ka Delhi, ki wan ha ka kynhun baar ne second band, kaba hap ha ka ‘uttam‘, ha kaba ki kamai point 761–820.Ha kaba iadei bad ka jinglong iaryngkat, baroh ki jylla ki poi ha ka kyrdan balai ne three band, kaba pyni ba ka jingbiang ka jingkamai ha baroh kawei ka ri.