U Special Director General (SDG) ki shipai Border Security Force (BSF) (Eastern Command) u Mahesh Kumar Aggarwal, ula wan poi shapoh ka Jylla ha ka jingwan jngoh ba saw sngi ha Meghalaya ban bishar kam haba iadei bad ki jingshngain ki thain khappud India-Bangladesh.Ha mar sien poi u SDG Mahesh Kumar Aggarwal ula shim bynta haka program ba pyniaid da u IG BSF ka Meghalaya u OP Upadhyay haka jingdonlang ki heh ophisar ka BSF.
Naka liang u IG ula ai batai ia u SDG halor ki sienjam baki BSF ki shim ban iada iala u pud u sam bad ula batai ruh halor ki jingeh ba ki shipai BSF ki kynduh haka jingpahara namar ka jinglong jingman ki thain khappud India- Bangladesh.U IG ula batai ruh ruh halor ki sienjam baki shipai BSF ki shim ban tehlakam iaka jingthmu ki nong Bangladesh ban rung shapoh ka Jylla Meghalaya bad haka juh ka por ban tehlakam iaki kam khaii beain naki thain khappud.
Haka jingiuh kjat u SDG Eastern Command u Mahesh Kumar Aggarwal ula pynlong ka jingjurip iaki Border Outposts (BOPs) bad iakren ruh bad ki shipai kiba pahara haki thain khappud.Hadien kane u SDG u Mahesh Kumar Aggarwal ula ia kynduh ia u Myntri Rangbah ka Jylla u Conrad K. Sangma bad u Chief Secretary u Dr Shakil P Ahammed ban iakren halor ki sienjam ban tehlakam iaki kam beain haki thain khappud.
You may also like
-
Iakynduh u Air Marshal bad ki nongthoh khubor
-
Hadien shisnem tam ba pynjari President RuleThaw sorkar ka BJP ha Manipur, u Yumnam Khemchand kum CM
-
Ka New Shillong Water Supply Scheme ka kynthup 32 ki shnong
-
Palat T. 35 Lak tuh ki runar na ka ATM ha Mylliem
-
Plie u Myntri sorkar ïa ka Sampoornata Abhiyan 2.0 : 5 tylli ki KPI yn peit ka Ri Bhoi