Weng shwa jingïakhih, ong ki heh Sorkar ïa ki samla ha NEHU

Ki heh Sorkar haka jingialam da u Chief Secretary ka Jylla Bah DP Wahlang, ka Director General of Police (DGP) ka Jylla Kong Idashisha Nongrang bad ka Deputy Commissioner (DC) ka East Khasi Hills kong RM Kurbah kila kyntu iaki samla pule ka skulbah NEHU ban weng shwa iaka jingshah thngan khlem pud sngi.  Hashuwa kane ki heh Sorkar Jylla kila leit iakynduh bad iakren ia ki samla pule kiba dang don hapdeng ka jiniaiakhih daka  ba shah thngan khlem pud sngi ha phyllaw ka Administrative Block NEHU.

Haba kren shaki lad pathai khubor u Chief Secretary ka Jylla u Bah DP Wahlang u la iathuh ba u la kyntu iaki samla ba weng shwa ka jingshah thngan khlem pud sngi katba dang iaid ka jingtohkit ka Inquiry Committee. “Ngi wan hangne tang halor kawei ka jingthmu bad kata ka long ban kyrpad ia ki samla pule ba kin pynsangeh shuwa shipor ia ka jingiakhih kat bym pat. dep ka jingtohkit” la ong u Bah DP Wahlang.

U Bah DP Wahlang u la ong “Nga la iakren bad baroh ki seng ba don bynta bad nga la iathuh ha ki ia ki daw balei ba ki dei ban pynsangeh shuwa ia ki jingiakhih”. U Chief Secretary ula pynpaw ia ka jingsngewskhem bad ka jingkyrmen ba ki samla pule kin sa iashong lang bad baroh ki seng kiba pynlong ia ka jingiakhih bad ba kin pynsangeh shuwa shipor ia ka jingiakhih ha kane ka por ba dang iaid ka jingtohkit.