Ym don ba wan rung be-ain na ka lynti rel ha Medipathar:DC

Ka Deputy Commissioner ka North Garo Hills u Abhinav Kumar Singh (IAS) ula ong, ka jingdon ka lynti ha ka District ka iarap ia ki paidbah bad khamtam ia ki nongrep ban kit ia ki marrep jong ki sha kiwei ki jylla ba marjan bad kumjuh ban leit ban wan sha kiwei ki jylla.Halor ka jingkylli ula ong, haduh mynta kam pat don ka jingwan rung be-ain ki briew na shabar jylla na ka jingwanrah ia ka lynti rel hapoh ka district bad na ka liang ki bor district ki ju pynlong ka jingjurip man ka por ioh don ki briew ba wan rung be-ain.

Haba phai ha ka synshar khaddar u ong, kam don don eh jingjia ba ktah ia ka shongsuk shongsain hynrei namar ba ka dei ha khappud bad ka Assam ki don katto katne ki jingjia kum ka jingskud jaka bad ngi ju iakren ba ki bor sorkar na Assam ban pynbeit bad kumjuh ban tehlakam ia ki kam runar ryngkat ka jingiatreilang bad bor sorkar na Assam. Halor ka pule puthi ula bynrap ka District ka dang duna bha ia ka jingpass ki khynnah bad kane ka pynlong ba bun ki khynnah ban pep skul shiteng por bad ki donkam pynlong ia ki awerness prokram kumno ban kyntiew ia ka pule puthi ban kynjoh bad kiwei ki district ha Jylla.

Kumjuh u Superintendent of police ula iathuh ka district ka don ha ka shongsuk shongsain bad ki kam tuh kam thiem ki don hi bad ki pulit ki pynjur ia ki lad pahara ha kylleng ki jaka ban tehlakam ia ki riew sniew.“Ka kam khaii drok ne dih drok kam pat don kum ha kiwei ki district ka jylla, wat la katta ngi ju pynlong ka jingtalasi ioh don ki nongkhaii ki briew na shabar jylla ba rung be-ain” ula bynrap.