Ym pat rai ka Debora na kano ka constituency ban iakhun ilekshon 2028

Ka MLA barim naka seng Congress ka Deborah C Marak kaba dei ruh u Working President jong ka Meghalaya Pradesh Congress Committee (MPCC) ka dang pyrkhat, la kan bujli ne em ia ka constituency ha shuwa ka ilekshon MLA 2028.  Katkum ka khubor, la sngewthuh ba ka Debora ka dang pyrkhat ban ïakhun na Songsak ne na Rongara-Siju constituency. Kum ban shah kdew ba mynta u Nongialam ka Liangpyrshah u Dr Mukul Sangma u dei u MLA ka TMC na Songsak bad u Myntri Sorkar barim u Rakkam A Sangma u dei u MLA ka Rongara-Siju constituency.

Ka Debora Marak ka la mihkhmat nyngkong eh ia ka Rongrenggiri constituency ha u snem 1998 bad 2003 shwa ban shah phiah noh ka constituency. Ha u 2013 ka Debora kala jop biang na Williamnagar constituency naka seng Congress bad dei naduh 2018 bad 2023 kala shah rem noh ha u Myntri Sorkar u Marcuise N Marak jong ka seng NPP. Watla ka Debora Marak kam kwah ban jubab halor ka jingkylli bujla constituency, hynrei kala pynpaw ba kala don ka jingshah tyrwa na bun balang ban bujli constituency hashuwa ka ilekshon MLA 2028.

“Kumba ka long mynta, ngam pat rai eiei, Hooid, ka Siju-Rongara ka dei ka constituency barim jong nga kaba nga la jop kum ka MLA. Ka Williamnagar ka dei ka constituency kaba nga don mynta.  Hooid, ki briew ki la kylli ia nga shano nga kwah ban iakhun haka ilekshon 2028 hynrei haduh mynta ka sngi ngam pat shim kano kano ka rai. Ngan sa pyntip ynda la dei ka por” la ong ka Debora.