U Myntri Rangbah ka Jylla u Conrad Kongkal Sangma hynne ka sngi, u la pyllait paidbah Online ia ka “Paint My City” 2024 Campaign na ka bynta ka sor Tura ha ka jingdonlang u Lamphang ka iingdorbar thawain bad u MLA ka North Tura, u Thomas A Sangma. Haba kren ha ka jingialang u Conrad Sangma ula ong, ka jingthmu ka sorkar ka long ban pynitynnad ia ka sor Tura da ki jingdro bad ai rong ia ki kynroh ophis sorkar bad ki jaka pule.
U la ong ka jingthmu jong kane ka projek ka long ban ia ka nongbah Tura ka jaka ba khuid bad iphuh da ki jingdro dur ba itynnad kiba kit jingmut bad ula kyntu ia ki nongshong shnong ba kin iashim bynta lang ha katei ka jingthmu bad ban pynlong kum ka nuksa ia ka jylla bad ia ka Ri. U la bynrap ia kane ka sienjam yn sdang shen ha Jowai bad ki iwei ki district ka jylla.
Kum ka jingsdang ia ka Paint My City 2024 Campaign, u Myntri Rangbah ula sam ia ka song pisa T.50,000 bad ki rong sha ki Development Committee ki ban dro ia ki dur ban pynitynnad ia ka sor Tura. Ha ka jingialang plie la donlang u Deputy Commissioner, West Garo Hills u Jagdish Chelani, u CEM ka GHADC u Albinus Marak bad ki ophisar na ki tnad bapher bapher.
You may also like
-
Dawa ka AJMW&LU ban siew tulop 10 tarik namar ka Behdeiñkhlam
-
Ai burom ia u shipai ba la shongthait bad kaitor ba pawnam
-
Leit tur kyndit ka COMSO ha Secretariat ban dawa pyntreikam ILP
-
Pynkup burom ka NPWF ia ki longkmie ha ka sngi rakhe ‘Mother Day’
-
Pynïasoh UDP palat spah ngut ki nongïalam na kiwei ki party