Yn leit ki samla pule sha Kolkatta, Chennai bad Bengaluru ban shem buit saian thymmai

Ka State Council of Science, Technology, and Environment (SCSTE) ka sngew sarong ban pynbna ia ka jingsdang jong ka Science Exposure Trip 2025 ban pynshlur bad pynroi ia ka jingstad saian ki khynnah skul bad ki nonghikai. Ka jingthmu ban ai ïa ki nongïashim bynta ïa ki jingïakynduh ba lah ban leh da ki kti bad ban ïoh ïa ki jingbuit stad thymmai ha ka saian da ka jingwad bniah ha kylleng ki jaka pule saian ba pawnam ka ri India. Ka SCSTE na Meghalaya ka la pynkhreh saw kynhun kynthup ïa ki khynnah skul bad ki nonghikai ban sdang ka jingïaid lynti ban pynriewspah ia ka jingstad sain katkum ka juk. Ka kynhun banyngkong kan sdang ha ka 6 tarik Kyllalyngkot ha kaba yn shim bynta 36 ngut.  Ka kynhun ba-ar  ha ka 13 tarik Kyllalyngkot ha kaba 37 ngut kin ïashim.

Ka kynhun balai ha ka 15 tarik bad 37 ngut kin shim bynta bad ka kynhun basaw ha 28 tarik Kyllalyngkot 2025 kin don 29 ngut ki nongiashim ha ka jingleit wad jingtip sha kiwei ki jaka. Kine ki kynhun kin leit jngoh ia ki jaka pule saian ba pawnam ha ki lai tylli ki nongbah Kolkata: Ka nongbah saian, ka jaka saian ba heh tam ha India. Ha Chennai ki jaka pule bad ki jaka ba pawnam, kynthup ïa ka IIT, ka Birla Planetarium, ka CMFRI (Central Marine ka jaka wad bniah ia ki dohkha), bad ka karkhana shna ice cream ban wad ia ki jingpyndonkam ia ka teknoloji ha ki jingbam.

Ha Bengaluru: Ka jaka pule saian ka jaka pdeng jong ka jingpynmih ki jingmut bad ki jingstad saian. Kane ka jingthmu ka SCSTE ka long shibynta ban pynroi ia ka kolshor ryngkat ka jingpynwandur bad ka jingstad saian hapdeng ki ki samla bad ki nonghikai ban wanrah ia ka jinghikai kaba ka jingshemphang ha ki kamra klas. Kane ka long katkum ka kyrwoh ba la phah da u Gunanka DB, IFS Joint Secretary, Planning Department & Member Secretary, SCSTE ka sorkar Jylla.