Yn pynmih ka Assam Rifles sa kawei ka kynhun shipai

U Director General jong ka Assam Rifles u Lieutenant General Vikas Lakhera hynne ka sngi ula pynpaw ki shipai Assam Rifles ki iengskhem ha ka nongrim jong ka Hok.  “Ngi don hangne ban pynthikna ba ngi wan lang bad ki paidbah, ngi shakri ïa ki paidbah bad ngi pyrshang kat kaba lah ia kaba bha tam. Wat la kaei kaei kaba jia, ngin ym pyllait pat ia ka lynti jong ka hok. Kiba leh hok kin ioh ban mad ia kiei kiei baroh, hynrei ngin ym iehnoh ia ka lynti jong ka hok bad ngin iai bteng ban pyniasoh” ong u Director General ka Assam Rifles haba iakren bad ki nongthoh khubor. Ula ong ki shipai ka Assam Rifles bun ki dei na ki jylla ka thain shatei lammihngi bad ki don  ka bynta ha ka imlang sahlang bad kim pher satia na kiwei pat.

“Kumba phi shakri ia ka ri kumta nga ruh nga shakri ia ka. Lehse ka por kan sa batai, hynrei ka thain shatei lam mihngi ka long ka jaka kaba phylla, ka jaka kaba bha ban shong ban sah” la ong une u heh shipai. Ha kaba iadei bad ki khubor ba ka Assam Rifles ka lah ban pynmih sa ia kawei ka kynhun shipai ne Batallion, u Director General ula ong, “Kane ka dei ka mat bad ka Sorkar India. Hynrei ngi kwah eh ban kiew bad kino kino ki jingai jingmut halor kane ka bynta bad ka por kan sa batai”. Ula batai ki la pyrshang ban iashim bynta ha ba lynshop ki bor mariang lyngba ka NDRF Batallion ka jong ki ha Ludhiana bad man la ka por haba don ki jingjia ba sngewsih ne ka jingwan lynshop ka bor mariang, la ka long ka jingshlei um ha Imphal, ka jingtwa khyndew, ki jingjia aksiden, ne ki jingjia kiba donkam kyrkieh ia ka jingsumar, ki don beit ki shipai Assam Rifles.

 “Ngi dei ka kynhun ba heh tam ha ka thaiñ ban noh synniang ia ka snam sha ki paidbah kiba don hapdeng ka jingshah sumar. Ka snam jong ki shipai jong ngi, ka tuid ha ki thied ki jaw jong ki nongshong shnong ia kaba ngim lah kheiñ shuh, ha ka thaiñ Shatei Lammihngi” la ong u Director General.