Ki kynhun nongrwai ba pawnam na United Kingdom kaba la tip kyrteng kum ka ‘BLUE’, kin sa wan ha nongbah Shillong ban pynlynguh ia ka madan Polo lyngba ki sur jingrwai ba bang ba thiang jong ki.
Kine ki kynhun nongrwai jong ka BLUE kiba kynthup ia u nongrwai Simon Webbe, Duncan James, Antony Costa bad u Lee Ryan kin wan ha Nongbah Shillong ha ka 11 tarik Nohprah 2025 ban pynsngew ia ki jingrwai ba pawnam jong ki kum ka All Rise, One Love, Sorry Seems to be the Hardest Word nalor kiwei de ki jingrwai.
Kane ka kynhun nongrwai jong ka BLUE na United Kingdom, kin wan hangne ha nongbah Shillong, kum shi bynta jong ka jingiaid lynti jong ka 25th Anniversary World Tour ha kaba kin leit ban rwai ruh sha kylleng ki jaka kynthup kum sha Bengaluru bad sha kiwei ki jaka de. Ki bor pyniaid kiba pyllong ia kane, ki la pynpaw ia ka jingkhmih lynti ba ki paidbah kiba ieit jingrwai na kylleng ki jaka, kin wan ban sakhi ban sngap markhmat ia kitei ki kynhun nongtem kiba pawnam nabar ri.Ia ki tiket na bynta katei ka concert lah ban ioh na man ki District jong ka jylla.
You may also like
-
Hadien shisnem tam ba pynjari President RuleThaw sorkar ka BJP ha Manipur, u Yumnam Khemchand kum CM
-
Ka New Shillong Water Supply Scheme ka kynthup 32 ki shnong
-
Palat T. 35 Lak tuh ki runar na ka ATM ha Mylliem
-
Plie u Myntri sorkar ïa ka Sampoornata Abhiyan 2.0 : 5 tylli ki KPI yn peit ka Ri Bhoi
-
Ïakhih ka RBDCC pyrshah ïa ka skhim bylla 125 sngi ka BJP