Yn thaw sorkar ka BJP ha Maharashtra, Congress ha Jharkhand

Ki paidbah ka Maharashtra ki la kyntait ia ka Maha Vikas Aghadi (MVA) ka kynhun liang pyrshah bad pynpaw ka jingshaniah ha ka jingialam u Myntri Rangbahduh u Narendra Modi, halor ka nongrim “Ka jingiatylli ia iada” ne “Ek hain to safe hain” la ong u Deputy Chief Minister bad u nongialam ka BJP u Devendra Fadnavis hynne ka sngi Saitjain bad u kyrmen ba ka Mahayuti Alliance ka la jop 225 na ki 288 seat ha ka ilekshon Assembly bad kan ioh bat biang ia ka bor synshar ha jylla, katba ka MVA ka la jop 55 seat bad kiwei 8 ngut. Ha kajuh ka por, u Myntri rangbah bad u nongialam ka Shiv Sena u Eknath Shinde hynne ka sngi Saitjian ula kam ban thaw sorkar thymmai bad ai khublei ia ki paidbah kiba la pynjop ia ka sorkar Jylla ha Maharashtra hapoh ka jingialam ka BJP. Katba ka sorkar synrop JMM hapoh ka jingialam I.N.D.I.A bloc ha Jharkhand ka la jop 52 na ki 81 seat ha ka ilekshon Assembly ba la pynbna hynne ka sngi.

Ka NDA ka  jop 28 ngut bad kiwei iwei. Na ka liang u President ka Congress ula ai khublei ia ki paidbah ka Jharkhan kiba pynjop don burom ia ka Congress. Ha kajuh ka por, ka seng Aam Aadmi Party ba synshar ha Punjab ka la jop 3 na ki saw tylli ki assembly konstitwensi ha ka ilekshon shiteng samoi ba la pynlong ha ka 20 tarik Naiwieng. Katba Ka Trinamool Congress hapoh ka jingialam ka Mamata Banerjee kum ka Myntri Rangbah ka la jop baroh 6 tylli ki komstitwensi ha ka ilekshon shiteng samoi ba la pynlong ha ka 13 tarik Naiwieng bad ia ka resod la pynbna hynne ka sngi saitjain.

U Myntri Rangbahduh ka Ri Narendra Modi ula ai khublei ia ki paidbah ka Maharashtra  kiba kyrshan ia ka BJP bad kumjuh ia ki paidbah ha kiwei ki jylla kiba la kyrshan ia ka BJP ha ki ilekshon ba la dep.