Ka Jylla Meghalaya ka dang ialeh katba lah hala i bor ban ioh jingithuh kyrpang iaki Jingkiengjri lane ki Living Root Bridge daka United Nations Educational, Scientific and Cultural Organization (UNESCO). Ha baroh kawei ka pyrthei ka UNESCO ka ai jingithuh kyrpang iaki jingdom jingem kiba phylla haki jaka daka ba kynthup ia kita hapoh UNESCO World Heritage Sites, bad kane kadei ruh ban iada bad ban kyntiew iaka jinglong kyrpang jong ki.
Ka Sorkar Jylla haka jinglam khmat da u Myntri Rangbah u Conrad K Sangma kala thoh sha u Myntri Rangbahduh ka Ri bad ruh sha u Myntri ka tnad Arts & Culture ka Sorkar Pdeng ban thoh shaka UNESCO ban pdiang bad ban ai jingithuh kyrpang iaki Jingkieng Jri hapoh ka thup UNESCO World Heritage Site. Lah ban ong ba tang ha Meghalaya, ba ki don ki Jingkieng Jri ban pyndonkam daki ki nong shong shnong bad dei namar kane ka Sorkar Jylla ka pyrshang tyngeh ban ioh jingithuh kyrpang iaki Jingkieng Jri daka UNESCO ha baroh kawei ka pyrthei.
Lada iaki Jingkieng Jri la ai jingithuh daka UNESCO lane daka ba kynthup haka ‘UNESCO World Heritage Sites’ ki Jingkieng Jri ka Meghalaya kin shah niew kum kiwei kiwei kiba kham phylla ha baroh kawei ka pyrthei.
You may also like
-
Dawa ka AJMW&LU ban siew tulop 10 tarik namar ka Behdeiñkhlam
-
Ai burom ia u shipai ba la shongthait bad kaitor ba pawnam
-
Leit tur kyndit ka COMSO ha Secretariat ban dawa pyntreikam ILP
-
Pynkup burom ka NPWF ia ki longkmie ha ka sngi rakhe ‘Mother Day’
-
Pynïasoh UDP palat spah ngut ki nongïalam na kiwei ki party