Ki paidbah ka shnong Mynsang kaba hap ha Mawkynrew ki la pynpaw ka jingsngewkhia namar ba sahkut ka projek ha Mynsang kaba la wanrah ha ka por ka jinglong MLA u bah Martle N Mukhim. Kane ka projek kan dei kum ka pliang ja ban kyntiew ia ka ioh ka kot jong ki paidbah ka thain Mynsang kaba don ki lum ki wah, bad ki jingthaw ba itynnad ka mariang. Hynrei phewse, ka jingpynkhreh ka la sahkut noh khlem nongbuddien shuh hadien ba la rem noh u bah Martle.
U Sordar ka Mynsang u bah Joren Nongrum ula iathuh ba ka shnong Mynsang kaba don kumba 200 tnum iing, ka don shibun ki jaka jngohkai hynrei na ka jingsniew tasam ka surok, ka la pyntieng ia ki briew ban wan kai. U bah Nongrum ula iathuh ba na ka liang ka shnong ka la iakren ia u MLA u bah Banteidor Lyngdoh uba kular ban pynbha noh hynrei haduh mynta khlem pat long kam satia. U Sordar ula iathuh ba ha ka jaka peitkai ha Ursohmian, ka jingshna ka la soh sohpailen lut, kila sah sarang bad ki nar kila dkut lut na ka jingsah khongreng katei ka jaka jngohkai kaba la shna mynshwa.
“Ha u snem 2007 ia kane ka projek la sdang da u bah Martle N Mukhim hynrei ka la sah kumto. Ka shnong ka don shibun ki jaka jngohkai ba itynnad hynrei, namar ba sniew palat ka surok, ka pynsalia ia ki briew ban wan. Ka thain ka don ka wah Umngot, Umtyngphar, ki lum ki wah”, la ong u bah Nongrum.
You may also like
-
Ïashim bynta u Lat ha ka Jubili Ksiar ka Wangala Festival
-
Hiar arsut ka ïoh ka kot ba shim ram ki briew ba don ha ka bor
-
T.45 klur mang ka sorkar ban maramot ïa ki surok ha Shillong, shwa ka National Games
-
Lada ka sorkar ka kwah ïakren ïa ki mat sahteng, kren hakhmat ki Camera : KJDSTA
-
Lieh ka sor Shillong bad jur ka dheng kali na ka jinghap phria
