Ka sor Shillong hynne ka sngi, kala sakhi ia ka jing ther u lapbah ryngkat bad ka jinghap u phria, ha kaba ki phyllaw ïing bad ki surok kila lieh shaid da u phria.
Ha ka por kaba baroh kim shim la poi pyrkhat, ka bneng kala kem dum kynsan bad la ther kynsan u lapbah ryngkat bad ka jinghap phria kaba la jur bha ha kaba ki surok, ki lynti ki synkieng bad bun ki phyllaw iing kila dap bad leih da u phria.
Kane ka jinghap u phria kala pynlong ia ki khynnah ba kin ia muja ka ielhkai da kaba kawang iwei ia iwei pat, katba kila don pat kiba la lum shi jaka ban ia shna jingshna da une u phria ha ki dur ki bapher bapher.
Watla ka jingha phria kala pynmuja bad pynsngewtynnad ia ki khynnah ban ioh ialehkai hynrei ki longkmie kiba thung ia ki syntiew ki skud bad ia ki jingthung bapher bapher kila sngewsih haba u phria uba heh bad rben ula pynjulor lut ia kine ki jingthung baroh.
Ka jingdap smam u phria ha ki surok, kala pynmih ia ka jingdheng kali kaba jur khamtam ha ki por ba la wai skul, namar ka jinglang une u phria kala buh ha ka jingeh ia ki kali ne ki thuk thuk ban iaid bad kala pynlong ia kiba bun ki paitbah khamtam ha ka shnong Umsohsun ban pynkhuid ia u phria uba la lang ha ka surok ba ki kali kin ioh ban iaid bad ban lait na kino kino ki jingma.
You may also like
-
Sdang ka KJDSTA ia ka jingiakhih da kaba sangeh hikai kaba khlem buh por
-
Pyrshang kerkut ki Dkhot ka JAC ia u Bah Sanbor
-
Ïa shim bynta ki MLA Meghalaya ha ka jingïalang ha London
-
Ki paidbah ki kwah ban pyniar shuh ka lynti rel ha Garo Hills: DC
-
Bun tylli ki projek kam pynroi plie u Myntri Rangbah ha Chokpot