Ka party Indian National Congress (INC) ha ka jylla Meghalaya ka la sdang ban ring sdot katba nang mih ki sngi, kata hadien ka jingmih bad iehnoh kam ki nongialam ba radbah bad kane ka jia biang ha Ri Bhoi District ha kaba uwei na ki nongialam ba radbah ula aiti ia ka shithi iehnoh kam kata ha shwa ba ka Ileksion shiteng samoi jong ka MP Lok Sabha kan long ha kane ka jylla.
U ne u nongialam ula ba aiti ia ka shithi iehnoh kam, u dei u Bah Rocky Marwein uba bat kum u President ka Ri Bhoi District Congress Committee naduh u snem 2025, uba dei ruh u President ka Umsning Block Congress Committee bad uba la iakhun ia ka Ileksion MDC ha u snem 2019 bad 2025.
Katkum ka shithi, ba u Bah Rocky Marwein ula ai sha u President ka Meghalaya Pradesh Congress Committee ula pynpaw ba ka rai ban iehnoh ia ka kam bad ban mih noh na ka party ka dei hi ka rai shimet bad kam shym don kano kano ka jingiakynad ne iapher jingmut ha ka jingiatreilang hapoh ka party.
Na ka liang u Bah Marwein, ula pynpaw ruh ka jingkyrmen ba ki nongialam ba hakhmat ka party, khamtam ka Meghalaya Pradesh Congress Committee kin pdiang ia kane ka rai jong u halor ka nongrim ne ka daw shimet kumjuh ban pynlait noh ia u na ki jingkitkhlieh kiba la bynshet naduh ki por ba ula long kum u nongialam ka party Congress.
You may also like
-
Shim bynta u Lat bad ki samla pule ban bam smai ia ki kular ka Nasha Mukt Bharat Abhiyan ban iakhun pyrshah ia ki jingdih ba sniew
-
Pdiang ka Kur Talang ia ka jingpynkylla u “Rahul Kumar” sha u “Pyndaplang Talang”
-
Sdang Ka Kyrsiew Tipkur Tipkha na Smit ban tehsong ia ki Kur bad pynneh ia ki riti dustur
-
Kylla dpei phra ki Iing ha Rilbong, ba bthei 3 ki tyndong lyer Gas julor ki mar
-
Kyrshan skul ka KSU ia 40 ngut ki khynnah na ki longiing ba duk