Ïaid paidbah ki samla pule ka Khadsawphra Kolej ban pyrshah drok

Ki samla pule ka Khadsaw-phra College ryngkat bad ka tnad pulit Mairang ki la rakhe ia ka World International Anti Drug abuse and Illicit Trafficking ha ka 26 tarik u Jylliew.
Ha kane ka sngi na ka liang ka tnad Police la wan mihkhmat da ka Kong B. Nongrang SI bad Kong S. Kharbuki police personnel na Mairang Police Station kiba la ai jinghikai shaphang ka jingsniew na ka jingdih drok, kumno ka ktah ia ka koit ka khiah ia kiba pyndonkam ia une u jingdih pynbuaid bad kumjuh ia ka imlang ka sahlang.
U Babu Boldness uba dei u Principal jong ka College ula ban jur kumba kane ka College ka dei ka Free Tobacco Institution kan iai iakhun ban rat dyngkhong ia une u jingdih uba la sdang jyllei bha wat shaduh ki thain nongkyndong.
Hadien ba la pynsngew-thuh paidbah kumno ban kiar na une u jingdih ba ki samla ki la pyndonkam bakla haduh ba ula pynjot ia ka long rynieng jong ki bad kumno ka la ktah ia ki longiing longsem bad ia ka Ri bad jaidbynriew. Ki la pynlong ia ka jingiaid paidbah pyrshah drok ha shilynter ka lynti ka shnong Lumsohkhlur bad Mission Mairang hapoh ka jingialam ki Volunteer jong ka NSS Unit jong kane ka College.
U Principal jong ka Kolej bad I Kong Lasiewdor NSS Programme Officer jong ka College ki la ai khublei ia ka tnad kiba la shimkhia bad ai ka jingiatreilang ryngkat bad ka College ha kane ka Sngi ban pynlong ia ka prokram kaba jop.