Ka Umsning Block Headman Forum (UBHF) ka la ai jingmut ia u Myntri jong ka Tnat ka koit ka khiah ban wanrah noh da ki kali ban shim snam ha ka jaka ba kita kiba kwah ban ai sngewbha ia ka snam jong ki sha kito ki nongpang kiba duna snam.Ka Forum lyngba ka shithi ka la pynpaw ia ka jingdonkam kyrkieh ia kane ka mat namar bun ngut kiba don ka mynsiem ban ai snam, hynrei ka buh bun ki jingeh ia ki ban leit ban wan sha ki Hospital kaba ktah ha bun ki liang, khamtam ia ka por jong ki, te lada lah ban wanrah ia kane ka kali kan long shisha ka jingkyrkhu ia ka Jylla bad ia ki nongpang kiba duk barangli.
Shuh Shuh ka forum ha ka shithi ka ai jingmut ruh haba iadei bad ka MHIS Card ban pynrung lem ka jingmyntoi da kaba kin ioh pynphai biang ia ki pisa jong ki nongpang haba ki leit ban test shabar na ki jaka sumar sorkar khnang ba kin lang ban ioh ka jigsumar kaba paka bad kan long ka jingkyrkhu ia kiba duk barangli jong kane ka jylla, namar la ju lap ba barabor ki Hospital sorkar kim ju don ki jaka ban test ia ki jingpang, te da kaba pynrung katto katne ka pisa ban leh test kan long ka jingkyrkhu kaba khraw bha.Kane ka long katkum ka kyrwoh na u General Secretary jong ka Umsning Block Headman Forum u Bah Banshan Nongbet.
