Hiar jurip u CEM bad MDC ia ka Iawmusiang Complex ban shna basa ia kiba don permit

Ka Executive Committee jong ka JHADC hapoh ka jingialam u CEM Thombor Shiwat, u Dy. CEM Lasky Rymbai ryngkat ki EM ba kynthup u Bisonroy Iano uba dei peit ia ki iew, nangta u Moonlight Pariat, u Hambertus Nongtdu, u Pheinshwa Nangleiñ, u Aiborlang Shadap ryngkat ki ophisar ka council ki la hiar leit jurip ia ka Iewmusiang Complex ha Jowai kaba longtrai da ka JHADC, ia kaba ka jingpyntrei da ka tnat PWD ka dangiaid shakhmat sa tang ban dep noh.
Haba iadei bad kane ka jingjurip u CEM u iathuh ka daw ba nyngkong dei ba phah shithi ka tnat ba dei peit ia kane ka iew ban ia peit jaka buh transformer naka bynta kane ka complex, kaba ar pat halor ka jingpan jaka ka Seiñraij Jowai naka bynta ban pynneh ia u Mooknor ba don ha kane ka iew.
Ha kane ka jingleit jurip naka bynta kine ki artylli ki mat, u CEM u iathuh ba kila peit bad jurip lang ruh ia baroh sawdong ka rukom shna ia kane ka iew.
Haba iadei bad ka jingker kynroh sawdong kane ka iew ki lap ba bun ki jaka ka council ba lait sharud naki jingker, bad kane ka jia naka daw bym don ka jingkylli jingmut shwa naka council ba kan pyni iaki pud sawdong.
Naka bynta kane u CEM u ong ba yn sa iakren hapoh ka EC bad yn pyrkhat aiu ban leh ia kine ki jaka ba lait sharud, bad ruh lah ban iakren bad u contractor ban pynpra khnang ba baroh ki jaka ka council kin don shapoh ka jingker kynroh.
Haka jingiadei bad ki jingshna iaki dukan (stall) u CEM u iathuh ba u contractor ula shna katkum ka plan estimate ba pynkhreh daka PWD building, ba haka jingshisha lada ki shna katkum ka jingheh ba long haka por ba pynpra naka iew barim yn ym don ka jingduna ki stall.
Naka bynta kane pat u ong kumba la shem ba dang bun ki jaka ba lait kiba dang long ban pynmih dukan, naka liang ka EC kala don ka jingpyrkhreh.