U CEM ka JHADC u Thombor Shiwat uba dei ruh u MDC naka Moodop-Umladang constituency, hynne ka sngi hadien ba ula dep thep kyrteng ha ophis u Deputy Commissioner ka West Jaiñtia Hills, naka bynta ban iakhun election biang ha kane ka kynti naka party NPP, ula ong ba ma u hi um juh kheiñ sting ia kano kano ka election lada hap ban iakhun badno badno ruh, bad khamtam ha kane ka kynti kaba dei ka jingiakhun para marwei ym long shuh ia u ban thiah ban dem hynrei ban iakhun dohiap katba lah khang ban poi shaka thong jingjop.
Watla um shem iathuh badno un iakhun marwei ruh, hynrei la sngewthuh ba ka dei hi hapdeng jong u bad u kyrtong ka VPP u Chanbor Rymbai, namar haduh kumba long mynta dang kine hi ki arngut bala iaid lynti ha katei ka constituency. Haba kylli na u Thombor Shiwat iaki jingdonkam ka council, u ong ba lada u poi biang haka thong jingjop u kwah ban pynkhlaiñ shuh shuh iaka council lyngba ki tnat treikam bapher bapher khnang ba ka council kan lah ban kyntiew iaka iarong pisa, bad ba kan dap kan biang dalade ialade.
Ki mat ba dang sahteng kiba u angnud ban pyndep u ong dei ka Clan Bill ne ban ithuh noh daka aiñ iaki jait Kur bapher bapher, namar ba ka dang iaid shakhmat mynta.
You may also like
-
Shi taïew ai por ka KSU ïa ka tnat Urban Affairs, pynap da ka jingïakhih ba tyngeh
-
Meghalaya CEO Ym Don Ban Pynduh Kyrteng Nongthep Vote Khlem Ka Jingjurip; 6.51 Lakh Ki Kyrteng Kiba Shah Khot Kyrteng Ha Ka SIR
-
Palat 20 hajar ioh jinghikai ki samla halor ka ‘Cybercrime & Cyber Safety’ ia ki jingma na ki kam thok Online
-
Nang heh ka Iew Nongrep, phuh mat ki nongdie ma rep
-
Iaid Pilgrim ki riewngeit Hindu na Shillong sha krem Mawjymbuin