Ka Seng Samla Hima Langrin hynne ka sngi ka la pynpaw ka jingpyrshah ia ka hukum ba la pynmih da u Acting Syiem ka Hima Langrin u Bah BH Syiemiong. Kane ka hukum na u Acting Syiem ka Hima Langrin u Bah BH Syiemiong ka pynbna ban die bad ai wai ia ki mar jong ka Hima Langrin ka ban long ha ka 7 tarik Rymphang 2025. Haba kren sha ki lad pathai khubor u President ka Seng Samla Hima Langrin u Bah PS Lyngdoh ula ong, katkum ka jingtip ba la ioh na u Deputy Secretary ka KHADC, ka District Council kam pat ai jingbit ban ai wai ne die ia ki mar jong ka Hima Langrin.
U Bah PS Lyngdoh u la iathuh ba ki mar ba u Acting Syiem u thmu ban aiwai bad die ki kynthup ki mar ha Iew Soh Langrin, Iew Mawpyllun, Iew Borsora ki mar khlaw (Forest Produce) jong ka Rilang bad Wahkaji bad ka dor ba mih na kane ka jingiadie iathied kam duna T.10 lak. Ula bynrap ka hukum na u Acting Syiem ka kdew sha ki Sordar, ki Secretary Shnong ban don ka jingiadie iathied ia ki mar jong ka Hima Langrin ha ka 7 tarik Rymphang.
“Ka daw ba ngi ong ba ka jingleh u Acting Syiem ka Hima Langrin ka long beain namar ka KHADC kam pat ai jingbit bad ha ka juh ka por dang don mukotduma pyrshah ia u Acting Syiem” la kynnoh u Bah PS Lyngdoh.
You may also like
-
Shi taïew ai por ka KSU ïa ka tnat Urban Affairs, pynap da ka jingïakhih ba tyngeh
-
Meghalaya CEO Ym Don Ban Pynduh Kyrteng Nongthep Vote Khlem Ka Jingjurip; 6.51 Lakh Ki Kyrteng Kiba Shah Khot Kyrteng Ha Ka SIR
-
Palat 20 hajar ioh jinghikai ki samla halor ka ‘Cybercrime & Cyber Safety’ ia ki jingma na ki kam thok Online
-
Nang heh ka Iew Nongrep, phuh mat ki nongdie ma rep
-
Iaid Pilgrim ki riewngeit Hindu na Shillong sha krem Mawjymbuin