U Myntri Rangbah ka Jylla u Conrad Kongkal Sangma hynnin ka sngi Saitjain, ula plie ia ka 1st Albera Choir Competition & Food Fest hapoh ka Shnong Sawmer, Upper Shillong. Ia kane ka Choir Competition & Food Fest la pynlong da ka Seng Rangbah Katholik Sawmer kum shibynta ka jingrakhe ia ka Silver Jubilee ha Don Bosco Sunny Side, Sawmer, ia kaba la wan iashim bynta da ki kynhun rwai Choir na ki Parish bapher bapher ka jylla ban pyni ia ka sap ka phong rwai bad tem.
Ha kane ka sngi, u Conrad K Sangma ula leit iakynduh bad iamir jingmut bad ki nongkitkam jong ka Dorbar Shnong, Seng Kynthei bad Seng Samla Sawmer ha kaba ki la shim ia ka lad ban pynsngew ia ki jingdonkam ha ka shnong na ka bynta ka bit ka biang ki nongshong shnong.
U Conrad ula ong ba kane ka jingiakynduh ka pyni ia ka jingkut jingmut jong ka Sorkar ban iakren bad iasyllok bad ki paidbah ha ki shnong ki thaw bad ula kular ruh ba yn khmih bad shimkhia ia ki jingdonkam jong ki nongshong shnong.
You may also like
-
Shi taïew ai por ka KSU ïa ka tnat Urban Affairs, pynap da ka jingïakhih ba tyngeh
-
Meghalaya CEO Ym Don Ban Pynduh Kyrteng Nongthep Vote Khlem Ka Jingjurip; 6.51 Lakh Ki Kyrteng Kiba Shah Khot Kyrteng Ha Ka SIR
-
Palat 20 hajar ioh jinghikai ki samla halor ka ‘Cybercrime & Cyber Safety’ ia ki jingma na ki kam thok Online
-
Nang heh ka Iew Nongrep, phuh mat ki nongdie ma rep
-
Iaid Pilgrim ki riewngeit Hindu na Shillong sha krem Mawjymbuin