Ka Dr.H Gordon Robert Hospital Jaiaw Shillong hynne ka sngi ka la plie ia ka Gynaecology ward (General) ki kamra kiba la shna thymmai na ka bynta ka jingsumar kyrpang ia ki kynthei. Ia kine ki kamra la shna pynbha ha ka jinglut kaba kot T.20 lak tam bad la noh synniang da ka K.TIEW EMS TRUST kaba don ha UK.Ha ka jingplie ia kane ka ward la don Lang u Medical Superintendent ka hospital u Dr R Nongrum,u Rev SS Majaw,chairman ka Governing Board jong ka hospital,Bah KW Marbaniang(IAS)Administrative Officer,Ka Administrative Assistant Kong Samita Kurbah,ki engineer bad ki nongtrei jong ka hospital.
Ia kane ka kamra sumar kyrpang na bynta ki kynthei la plie da u Bah Michael Kharsyntiew uba dei u dkhot jong ka K.TIEW EMS TRUST. Haba kren ha kane ka sngi u bah Kharsyntiew ula ong ba kane ka hospital ka long kum u dieng Bilat namar ka mad bun ki jingeh ki jingjynjar hynrei naduh ba ka don bynta ka TRUST, la pyrshang ban pynbha ia ki kamra bapher khnang ba ki paidbah kin ioh ia ka jingsumar kaba paka.
Ula ong ba ka jingiadei jong ka TRUST bad ka hospital kan iai bteng bad kyrmen ba kane ka hospital kan nang lah ban ai ka jingshakri ba bha khamtam sha ki briew kiba duna ka ioh ka kot kiba donkam ban ioh ia ka jingsumar ba biang.
You may also like
-
Ïamir jingmut ban pynkhreh ïa ka Mang Tyngka 2025-26
-
Ioh jingithuh ka P.A Sangma Medical Collegeban pynrung ha ka Ayushman Bharat
-
Ka PHC Sohryngkham ka dang treikam kum ka Sub-center, ong u bah Kharpran
-
Pynrung kyrteng ha ka MCWWB, phin ioh bun ki jingmyntoi, scholarship bad pension
-
Mynjur ka Kynhun Myntri ban ai jingiarap ia ki nongshong shnong ba la 70 snem shaneng lyngba AB PM-JAY