Ki Pulit ka East Khasi Hills ki la ioh kem ïa 3 ngut ki snar nongtuh Bike (arshaka) na 7 Mer East Khasi Hills. Kine kiba shah kem ki kynthup u Barabor Namsaw (28 snem) na Jirang, Patharkhmah, u Banroilang Iawrod (19 snem) na Kynbahmalai Phlangwanbroi Mawsynram bad u Declin Warjri (20 snem) na Nongmensong, Shillong. Ka kyrwoh na u Superintendent of Police (SP) ka East Khasi Hills ka ïathuh ba ïa kine 3 ngut la ioh kem hadien ba la kem shwa ïa kawei ka kynhun nongtuh Bike ha ki taiew ba la dep.Ha ka janmiet jong ka 23 tarik mynta u bnai ki Pulit ka Sohra Police Station ha ka jingiatreilang bad ka kynhun Special Cell, EKH hadien ka jingpynap shrip ha Sohra Rim ki la kem ïa 2 ngut ki nongtuh Bike ba kynthup u Babu Marak (19 snem) na Dalia Shella bad u Sunday N Sangma (30 snem) na Samanda EGH.
Ïa kine 2 ngut la kem katba ki dang wan lyngba ka Suzuki Gixer Bike kaba don ïa u Number ML 05 AD 4393 kaba la shah tuh na Smit da ka jingthmu ban die sha Bangladesh. Ka kyrwoh na u SP ka ïathuh ba ïa kane ka Bike, kine ki nongtuh ki la ioh pdiang na Mawkdok na kawei ka kynhun tuh Bike na kylleng ka Nongbah Shillong.
La ïathuh haba bteng ban talasi ha Sohra, ki Pulit ki la ioh bat sa ïa kawei ka Bike ba shah tuh ha ka step 23 tarik Rymphang Mawiong, Umjapung bad ïa kane ka Bike R15 ba don ïa u Number ML05AA 3297 la ioh bat katba dang talasi Nongsawlia. Ïa uba niah ia ka Bike la pynngat hapoh Madanrting PS Case No 31(02)25 u/s 303(2) BNS.
You may also like
-
Buh thong ka Sorkar ban wanrah Film City ha Meghalaya
-
Pynlong ka CBC ia ka jingialang iamir jingmut halor ka jingkhuid bad ki jingbam tei met
-
Dang bishar ia ka jingdawa thung kynhun tohkit halor ka jingiakynad ha Garo: Conrad
-
Ka jingkhang ia ki Haat khappud ka ktah ia ka kamai ki paidbah ha khappud India-Bangla
-
Iathir ki heh shipai Assam Rifles ban pynkhlain bad pyntbit ia ki shipai