Byrngem ka JJA ban ujor ha Iingkashari, ba trei torti ïa ka Artificial Turf ha Ladjaplem

Ka Jaiñtia Joint Alliance (JJA) ba kynthup ia ar tylli ki sengbhalang, kata ka War Jaiñtia Student Union (WJSU) bad ka Jaiñtia Youth Federation (JYF) ha ka 16 tarik mynta u bnai lyngba u Chairman jong ka u Ombormi Tariang, u General Secretary u Everest Langstang, u Chief Advicer jongka u Alban Gashnag lem bad ki dkhot kila pyntip ba kin leit tied noh iaka jingkhang jongka iingkashari haba iadei bad ka jingpyntrei iaka madan artificial turf kaba don ha Ladjaplem Amlarem Civil Sub-Division. Ka daw jongka jingpynkhreh leit iingbishar jongki ka long namar ba kim ihun ikop satia halor ka jingpyntrei ia kane ka madan da kaba kynnoh ba dei kaba la shuh trei torti bad ka bym iahap satia katkum ka pisa bala mang 7 klur 92 lak tam.

Ki ong ba haka jingiaid lynti jongki ban pan jingshai lyngba ka RTI naka State Sports Council ruh kim shym la hun satia iaka jubab.”Ngi iohi ba ha kiwei ki madan jong ki block level ne Sub Division ngi i kum ki madan ba shisha katba kane ha Ladjaplem pat i kum ka double extension jongka mandan footsal, nalor ka jingker ruh ka bym ikop ban ialehkai daki briew” ong u Alban Gashnga Chief Advicer Jaiñtia Joint Alliance.

Ki kwah ba ka sorkar Jylla kan pyntrei hok iaki skhim ba ioh naka sorkar India khnang ba ki khun samla ruh kin ioh shisha ban pyni iaka sap ba ki don bad kaban iaineh slem.Katkum RTI ki ong ba 40% la dep shna mynta kaba sah sah 60%, bad haka jingiaid lynti ki ong ka tnat sport ka pynksan la ka jong ka nongrim bad maki ruh ki pynksan la ka jong ka nongrim kumta ha kaba kut kin leit mih shaka iingbishar khnang ban lap iaka jingshisha bad ba u paidbah ka thaiñ Amlarem un ioh iaka jingmyntoi kumba dei hok.