Ïakynduh 36 ngut ki Waheh shnong ïa u kontraktor halor ka surok Pdengshakap-Amlarem

Na ka bynta u surok ba 10km naduh na shnong Pdengshakap haduh ha Amlarem, West Jaiñtia Hills District ba la mang da ka sorkar Jylla ha ka jinglut kumba 8 klur tyngka na ka bynta ban maramot siang rong biang, kumta ka jingpyntrei ia kane surok ka la sdang ha ka 16 tarik mynta u bnai na ka liang ki waheh shnong jong 36 tylli ki shnong ka War East ba hap iaid lyngba kane surok ki la iakynduh iamir jingmut bad u kontraktor ba pyntrei ia ka surok u bah Friday Hinge ha Community Hall ka Pdengshakap.

Ha kane ka jingiakynduh la donlang u Dolloi Elaka Satpator u Daman Lakashiang, ki nongialam shnong ba kynthup ia u K. Pohshna waheh shnong Pdengkarong uba dei ruh u nongaibuit ka Synjuk waheh shnong War Jaiñtia, u Kampher Pohlong Secretary Synjuk waheh chnong Amlarem Sub Division uba dei ruh u waheh shnong Amlarem, u Savio Buam waheh shnong Psengshakap, u Lamdibok Sumer waheh shnong Trangblang nalor kiwei pat.

Naka liang u bah Friday Hinge haba iakren bad ki waheh shnong u kyntu iaki kumjuh ruh ki paidbah ban iatreilang namar katba dangiaid ka jingtrei lah ban mih kino kino ki jyrwit jyrwat ne ki jingthut jingbakla kumta u kyntu ban ai jingpyntip shwa sha u. Bad u kular ruh ban trei bha ia une u surok.Ki waheh shnong ba ai jingkren ha kane ka sngi ruh ki pynpaw ka jinglong la kloi ban iatreilang da kaba iakyntu para nongialam shnong ban ia peitngor lang halor ka jingpyntrei ia une u surok.