U Dr. Jemino Mawthoh uba la pyniasoh sha ka Bharatiya Janata Party (BJP) u la kyntait ban iakhun ia ka ilekshon MP shiteng samoi sha Lok Sabha na Shillong. Haba kren sha ki lad pathai khubor, u Dr Jemino u la ong, hadien ba u la iehnoh kam na ka UDP, ka lah mih ka kyrteng jong u ban iakhun na ka Voice of the People Party (VPP), bad la ialap ba ka la don ka jingtyrwa na ka National People’s Party (NPP) ruh, hynrei u la pynpaw pat da kaba shai ba um don jingmut eiei ban iakhun ia ka ielskhon MP shiteng samoi.
“ Ngam don jingmut eiei haba iadei bad kane ka MP ilekshon kaba mynta bad ngam shym la wan rung sha ka BJP na bynta ban iakhun ia ka ilekshon MP shiteng samoi,” ong u bah Jemino.U la ong ba ia mynta u kwah ban pynkhlain ia ka BJP na ka bynta ka ilekshon MLA 2028. “ Ngin pynkhlain ia kane ka party, ngin trei shitom ban pynsngewthuh ia ki paidbah shaduh ki kyndong khynshrot halor ka jingdonkam ban pynkhlain ia kane ka party,” ula ong.
U bah Jemino ula ong ba ha ki Khatsan bnai ba u jah na ka sain hima sima, ula iasyllok shane shatai ban sngewthuh kaei kaba don ha ka jingmut jingpyrkhat jong ki. Ha kane ka jingsyllok, ula shem ba kiba bun ki khasi ruh ki la pdiang ia kane ka party BJP ha ka jylla.
You may also like
-
Kurup ki Nongïalam Shnong 276 plastik ka Kyiad Pyrsi ha Nongpoh
-
Ym pat ïoh jingthoh ka UDP na kiba thmu ryngkang party : Titos
-
Plie u Conrad ïa ki projek kam pynroi ha Tikrikilla bad Raksamgre, WGH
-
Shi bynta jong ka jingrakhe la pynlong ïa ka Dr DD Lapang Memorial Lecture
-
Ryngkat bad ki sniang ïaid paidbah ki nongrep ban dawa bailutksan