Nang Pynkhlain Ka Tata Starbucks Ia Ka Jingdon Jong Ka Ha Ka Thain Shatei Lam Mihngi Da Kaba Plie Ia Ka Dukan Ba Nyngkong Jong Ka Ha Shillong, Meghalaya

Ka TATA Starbucks ka la pynbna ban plie ia ka dukan ba nyngkong ha Meghalaya, kane ka long kum u mawmer ba kongsan bha ha ka jingtreikam ban pyniar ia ka jingdon jong ka ha India bad wanrah ia ka dukan die coffee ba ieid da ki briew ka pyrthei hapdeng ki nongshong shnong baphuh baphieng jong ka Shillong.

Ka jingpynitynnad ia ka bynta ba shapoh jong ka dukan la shim na ka jinglong ba kyrpang jong ka Shillong, ia kaba la pynpaw da ka jingbuh kiba jong ka mariang, ki rukom tah ha ki kynroh kiba itynnadbad bun ki jingthung jyrngam. Ki don ki dieng lyntang, ki jingpyntynnad, ki rong kiba syriem bad ki rong ki rup ha ka mariang bad ki jain pyrda bad ki tiles ba rong jyngam bad ka jingshai bym ba thaba than, kaba pynitynnad ia ka kamra bad ba khring ia ki briew. Ha ka bynta ba hapdeng, ka don ka jaka shong kaba aram ban shong, ka don ka almari bad ki jinthung, ban kham pyndon shuh shuh ia kata ka jingsngewtynnad baroh shi lynter. Ia kane ka jaka la shna da ka jingsngewthuh shai ba kan dei ka jakaba lah ban shong slem bad don ka jingsngewjan, umbkane ka jaka ka wanrah ia ka jingsngew ban long hi kum kiwei kiwei ki Starbucks coffeehouse.

Haba kren shaphang kane ka jingpyllait paidbah, U Adrit Mishra, Chief Operating Officer, TATA Starbucks, u ong,“Ngi sngewkmen ba ngi la lah ban wanrah ia ka Starbucks sha ka thain shatei lam mihngi ka India da ka jingplie ia ka dukan ba nyngkong ha Shillong. Ha Starbucks, ka jingsngewtynnad jong ngi ia u coffee ka long kaei kaei kaba hapdeng jong kiei kiei baroh kiba ngi leh, naduh ka jingthied ia katto katne u coffee ba bha tam na India bad na kiwei ki ri ka pyrthei haduh ka jingsain bad pynkylla ia u bad ka jingtbit jong ki nongshet coffee kiba la tbit bha ne ki (barista)kiba wanrah ia ka jingbang jong u coffee ha man la ka pela coffee ba ngi dih. Da kane ka dukan ba thymmai, ngi khmih lynti ba ngin pynlong ia ka kum ka jaka kaba lai kaba ki nongshong shnong ka Shillong ki sngewtynnad ban leit kata lait na ka iingsah, ka jaka trei bad hangne ha kaba ki nongwan kin lah ban pyniasoh bad kiwei pat, kin don ka jingsngewtrai bad sngewtynnad ia ka por ba ki pynlut ryngkat bad ka dih ia coffee.”

Kane ka jaka ka don hapdeng sor kata ha Police Bazar, kane ka dukan ka khot sngewbha ia ki nongwan dih coffee ban iawan lang ban dih ia kine ki jingdih ba la shna da ka kti, ban bam ia ki jingbam ba la shet da kaba pyrkhat sani bha, bad ka por jong ka jingpyniasoh kaba kyrpang. Ki jingbam kiban don ha kane ka dukan ki kynthup ia u Starbucks signature Java Chip Frappuccino bad Zesty Orange Cold Brew ia kaba la shna na u shyieng coffee arabica ba bha tam, yn don ruh ki jingbam bad ki jingdih ba pyn pyngngad kum u Strawberry Açaí bad Mango Dragonfruit Refreshers, ryngkat ki jingbam tei met ba kynthup ia u Protein Cold Foam ha u Chocolate, ka kait bad Vanilla, bad lah ruh bad ban ai da kiwei kiwei ki jingpynbang kibym don shini ba kynthup ia ka Vanilla, Hazelnut bad Caramel.

Ka menu ne ka jingthoh shaphang kine ki jingbam ka don ia ki jingbam kiba bang bad pyngngad, kynthup ia u Mushroom Melt Sandwich, Tofu & Spinach Croissant Sandwich bad Bhuna Chicken Puff, bad nalor kata don ruh sa u Double Chocolate Chip Cookie bad Banana Chocolate Loaf Cake.