ICICI Life launches indexed pension plan to combine guaranteed income with market-linked returns

Ka ICICI Life Insurance Limited ka la pynmih ia ka ICICI Life Guaranteed Indexed Pension, kaba long ka jingioh pisa hadien ba la shongthait da kaba kynthup ia ka jingioh shi jingim kaba la tikna lem bad ka jinglah ban kiew kaba iadei bad ka iew lyngba ka NIFTY 50 Total Return Index. Kane ka rukom buh pisa ka ai lad ia ki nongthep pisa ban jied ia ka bynta kaba iadei bad ka jingioh ne ka annuity component kaba long naduh 60% shaduh 100%, bad ka bynta kaba sah kaba iadei bad ka index, kaba tyrwa ia ka jinglah ban kiew ha ka jingioh ynda la shongthait ne ka retirement income bad ban ai jingiarap kaba ia dei bad ka jingkiew dor.

Kane ka plan ka tyrwa ia ka rukom buh ba la tip kum ka single-life bad ka joint-life, lem bad ka jingpynphai ia ka dor thied. Lada jia ka jingkhlad noh jong I briew iba dei ban ioh ia kane ka jingsiew, lane ka jingkhlad noh jong I briew iba khatduh eh ba dei ban ioh ia kane ka jingsiew a joint-life, ita iba don ka kyrteng ba dei ban ioh bynta ne I nominee in ioh ia ka pisa ne ka death benefit kaba katkum ka jingsiew baroh kaba la dep siew. U Vikas Gupta, chief product officer ha ka ICICI Life Insurance, u la ong ba ka jingkiew ha ka rta jong ka jingim ne ka life expectancy, ka jingkiew ha ka jinglut jingsep bad ki jingkylla ha ki jingdonkam ha ka liang ka pisa pilain ki la nang kyntiew ia ka jingdonkam jong ki lad ki lynti ynda la shongthait kiba pyniasoh lang ia ka jingioh kaba biang bad ka jinglah ban nang pynkiew ne ka growth potential.

Kane ka rukom buh pisa ka don ruh ia ka ‘Annuity Advance’, kaba ai lad ia ki nongbuh pisa ba kin ioh haduh 99% jong ki san snem ki ban wan ba la pyntikna lypa kum ka pisa ba la siew shisien. Ki jingsiew ki long man la u bnai, man la ka shisien lai bnai, shiteng snem, lane man la u snem. Nalor kata, ki nongbuh pisa ki lah ban ioh ruh ia ka jingshakri kaba iadei bad ka koit ka khiah. Kane ka jingpynmih ka nang pynkhlain ia ki lad ki lynti jong ka kompani kiba iadei bad ka jingshohthait na ka kam, kaba tyrwa ia ka jingkylluid ha ka jingpynkhreh ia ka rukom pyniaid ia ka pisa pilain kaba haduh hadien habud.