Ka ICICI Life Insurance Limited ka la pynbna ia ka jingthmu ban pynrung kam 20,000 ngut ki nongai jingmut kiba dei ki kynthei ha kylleng ka India shwa ka jingkut jong ka FY2027 hapoh jong ka jingpyntreikam Narishakti ka jong ka, kaba thoh dak ia ka jingdap arsnem jong kane ka prokram ha ka sngi long jong ka Navratri.
Katkum ka 28 tarik Naiwieng 2026, ka kompani ka don palat 78,000 ngut ki nongai jingmut kiba dei ki kynthei, kiba la ai kumba 45% sha ka jingtreikam jong ka kompani watla ki la don tang kumba 32% jong ki nongai jingmut baroh. Ha Bengaluru, Kerala bad Mumbai, ka jingnoh synniang ka jong ki ka la tam ia ka 50% jong ka jingrteikam jong ka kompani. Shuh shuh, 47% na ki nongai jingmut jong ka kompani kiba dei ki kynthei ki la trei na bynta kane ka kompani la palat 10 snem.
U Amish Banker, Chief Distribution Officer jong ka ICICI Life Insurance Limited, u la ong, “Ngi, ha ka ICICI Life Insurance, ngi ngeit skhem ba ka sap kam don jinglong kynthei lane shynrang lane ‘Talent has no gender’.” U la pynshai ba ka jingsngewthuh jong ki kynthei ia ki jingdonkam jong ki nongpyndonkam ia ka ICICI, ka jingpynbeit ia ki jingeh, bad ka jingtbit ban tei ia ka jingiadei ki long ki jinglah kiba donkam bha na ka bynta ka jingtreikam insurance.
U Banker u la ong ba ka jingpyntreikam Narishakti la pynmih ar snem mynshwa ban ai mynsiem ia ki nongai jingmut kiba dei ki kynthei lyngba ka jingai jing hikai kaba donkam bad ka jingkyrshan. Kane ka jingpynrung kam, u la ong shuh shuh, kan nang ai ia ki kynthei ia ki jingtbit ba donkam ban nohsynniang sha ka jingmutdur jong ka sorkar ka “Insurance for All by 2047”.
Kaba la pynmih ha u snem 2024, ka Narishakti ka ai lad ia ki kynthei ba kin trei ia ki kam kum ki financial planners khlem ka jingdon jong ka jingbei tyngka ne ka upfront investment. Kane ka jingpyntreikam ka ai ia ki por treikam kiba kylluid, kaba ai lad ia ki kynthei ba kin bate ia ki jingkitkhlieh kiba ia dei bad ka kam bad ki jingkular ia ka iing ka sem katba ki nang iarap ia ki iing ki sem ha kylleng ka ri.
You may also like
-
Ka ICICI Life ka pyni ba don ka jingkiew kaba khraw jong ka PAT kaba long 26.5% kata ₹ 760 klur ha ka H1-FY2027
-
Pynlong ka Medanta ia ka Women’s Health Talk ban ai mynsiem ia ka jingsumar kaba biang bha bad ba bha ba miat ha Guwahati
-
Ka Vi Business, ka jingiasnohkti bad ka Hindalco ban shna ia ka network ba shimet ha ka jaka tih dew bauxite ha Odisha
-
Wanphai biang ka Myntra’s Big Fashion Festival ha ka 8 tarik u Risaw da kaba don haduh palat 8 Million tylli ki mar ki mata ryngkat ki rukom pynitynnad, ka jingpynmih ia kumba palat 100 jait ki tiar ki tar bad 21,000 kyrteng ne ki Label kiba dang shu mih
-
Ka ICICI Bank ka wanrahia ka ‘Festive Bonanza’ da ka jingpynmihiashibun ki jingtyrwa ha kabaiadei bad ka thied ka pet, ka leit ka wan, bad ha ki brang kiba iadei bad ka jingim ne ki lifestyle brands