Ka Vi Business, ka tnad treikam jong ka nongpyniaid network Vodafone Idea, ka la ianohskti lang bad ka Hindalco Industries Limited ban pynmih ia ka network ba shimet ha ka Baphlimali Bauxite Mine jong ka Hindalco ha Rayagada district, Odisha, kaba thoh dak ia ka jingpyntreikam ba nyngkong eh jong kane ka kompani ia ka network ba shimet.
Kane ka jingpynmih ia ka jingshakri ba la pyniaid bun snem kan kynthup ia baroh ki jingdon kiba ju iai don ha ki network, ba kynthup ia ka spectrum, core, radio access network (RAN) bad pyniaid ia ki rukom ai jingshakri. Ia kane ka network la khmih lynti ba kan wanrah ia ka jingpyniasoh ne ka connectivity kaba skhem bad kaba lah ban shaniah ha kylleng ki jing pyntreikam tih mar khyndew bad ban treikam kum u butlum dijital na ka bynta ka Hindalco’s Industry 4.0 bad ka jingpyntreikam ban wanrah ia ki jingkylla dijital.
Katkum kine ki kompani, kane ka network kan ai jingkyrshan ia ki lad ban iada ia ki nongtrei, ban pynbeit ia ki kali, ka jingpyntreikam ia u drone bad ki CCTV, ka jinglah ban peit bniah ha ka por kumba ka dei- bad ka jinglah ban treikam. Ka jaka ba la buh lypa na ka bynta ka Command and Control kan wanrah ia ka jingiohi kaba na pdeng bad ka jingshim rai kaba la ai jingkyrshan da ki jingioh jingtip na ka bynta ki kam tih mar poh khyndew.
U M P Sunil Kumar, Chief Enterprise Business Officer, Vi Business, u la ong ba kane ka jingpynmih ka pyni ia ka jinglah jong ka Vi ban shna ia ki network shimet na ka bynta ki jaka treikam. U Kailash Pandey, CEO, Aluminium Upstream, Hindalco Industries, u la ong ba kane ka network kan ai jingkyrshan ia ka rukom treikam tih mar poh khyndew kaba iasoh, kaba treikam hi da lade ne automated bad kaba treikam katkum ki jingioh jingtip, ha ka juh ka por ka ban nang pynkhlain ia ka jingshngain bad ka jinglah treikam.
You may also like
-
Thmu ka Fairfax ban pynkylla ia ka IDBI Bank sh aka bank ban ai jingshakri kaba bha tam ha ka pyrthei ha ka liang ka pisa pilain
-
La pynmih ia ka ICICI Life BSE 500 Momentum Quality 50 Index Fund ban tyrwa ia ki nongthied ia ki kompani kiba kiba don ia ka jingkiew kaba neh ha ka dor Jong ki bhah ne share
-
Pynmih ka Vi ia ka Vi Intelligence, ka jingpyntreikam AI ban wanrah ia ka lashai jong ki Agentic Enterprise
-
Ka sien pynlong kaba 31 jong ka european union film festival (euff) 2026 kan sdang ha shillong, ka ban pyni ia ki phlim europe kiba la paw
-
Ka SAP India ka ban biang halor ka jingpyrshang jong ka ban ai jinghikai halor ki sap AI ban pynkhreh ia ki ar klur ngut ki briew na ka bynta ka lawei treikam ne ka Future of Work jong u snem 2030
