Pyllait ka Vi Business ia ki lad treikam lyngba ka WhatsApp ban pynkhlain ia ka jingiadei bad ki nongpyndonkam na ka bynta ka MSME bad ki shlem khaii pateng

Ka Vi Business, kaba long ka shnat treikam jong ka Vodafone Idea Limited, ka la pynmih ia ka WhatsApp Business Solutions ban iarap ia ki shlem treikam kiba rit, ba pdeng bad ba kham heh ne ki micro, small bad medium enterprises (MSMEs) bad kumjuh ruh ia ki shlem treikam kiba heh bha ba kin lah ban treikam da lade, ban leh ia kiei kiei kiba katkum ka jingkwah bad pynheh ia ka jingiaiakren bad ki nongpyndonkam lyngba ki rynsan pynsaphriang jingtip ne messaging.Kane ka jingtyrwa ba thymmai ka buh ia ka WhatsApp ha ka Vi Business’ ha ki kam khaii ba la don lypa, da kaba ai ki MSME ban pyndonkam ïa ki jingshakri digital ha ka por kaba hapoh 15 minit, bad ka jingpynïasoh lang ïa ki jingshakri CPaaS bad CCaaS na ka bynta ki karkhana heh.

Na ka bynta ki MSME, kane ka lad ka iarap ban wanrah ka jingtyrwa ban pyndep hi dalade ïa ka jingpynrung bad pynkhreh ïa ki jingshakri digital lyngba ka website jong ka Vi, ba kynthup naduh ka jingjied ia ki plan, ka jingsiew pisa bad ka jingpynim ia ka. Ka ailad ruh ban pynsaphriang ia shibun ki khubor, ki template ba la dep ban pynkhreh lypa kiba khring ia ki briew, ban shna ia ka thup jingtip shaphang ki tiar ki tar ne ki product catalogue, bad ki lad ban bishar ïa ki data khnang ban buddien ïa ka jingpoi jong ki khubor, ki jubab bad ka jingïashim bynta jong ki nongthied.

Na ka bynta ki karkhana kiba heh, ka rynsan ka kynthup ia ki chatbots ba pyniaid da ka AI, ka jingiakren bad ki nongpyndonkam kaba la don lypa bad ka jingpynwandur ia kiei kiei katkum ka jingkwah lade. Ka kyrshan ruh ia ka jingphah khubor lyngba ka WhatsApp bad da ka sur ryngkat bad ka jingdon jong ki lad ia phah khubor kum ka SMS, voice, email bad live chat.Haba kren shaphang kane ka jingpyllait paidbah, U M P Sunil Kumar, Chief Enterprise Business Officer, Vodafone Idea Limited, u ong ki lad ki lynti kin iarap ia ki lad kamai ban thaw ia kiei kiei kiba stad, kiba katkum ka jingkwah bad ban pyniasoh bad ki nongpyndonkam lyngba ki kor ba la pyniaid da ka AI bad ki omnichannel.

Leave a Reply

Your email address will not be published. Required fields are marked *