Iuh kjat hapoh ka raichand house: wanrah ka airbnb ia kawei na ki iing ba pawnam tam jong ka bollywood 

Ka jingrakhe 25 snem jong ka Kabhi Khushi Kabhie Gham (K3G), khot sngewbha ka Airbnb ia ki nongkyrshan sha ka jingplie nonykong ia ki jingkhang jong kawei na ki iing ba pawnam tam jong ka Bollywood lem bad u Karan, Poo bad Rohan.

● Ha ka sien kaba nyngkong, ki nongkyrshan ki lah ban rung hapoh ka iing Raichand ba la shna thymmai, kaba pynim ia ka pyrthei jong ka K3G 25 snem hadien ba ka phlim ka la shim nyngkong eh ia ki dohnud jong ki nongpeitkai.
● Naduh u mawjingkieng uba heh bad ka kamra shongkai jong ka longiing haduh ka kamra buh jain ba pawnam jong ka Poo, kane ka jingiakynduh kaba ar kynta ka khot sngewbha ia ki nongwan ba la jied ban leit jngoh biang ia ki katto katne ki khyllipmat ba sah jingkynmaw tam jong ka phlim.
● Da kaba don tang 180 tylli ki jingkhot, ki jingkyrpad ban buh jaka kin plie ha ka 23 tarik u Naiwieng 2026 ha ka por 12 baje mynstep IST ha airbnb.com/k3g. Ka Raichand House kan pdiang sngewbha ia ki nongwan jngohkai ha Mumbai naduh ka 1-6 tarik Nohprah 2026.

Mumbai, India – 19 Naiwieng 2026: Kumno lada phi lah ban iaid ha u maw jingkieng uba heh jong ki Raichang, ban lap ia ka pyrthei hapoh ka kamra buh jain ba phylla jong ka Poo bad ban iaid kai ha ka kamra shongkai jong ka longiing kaba la sakhi ia ki katto katne ki por ba ym lah ban klet jong ka Bollywood? Arphew san snem hadien ba ka K3G ka la pynithuh nyngkong ia ki nongpeitkai sha ki Raichand, ka Airbnb ka pynlong ia ka kaba shisha.
Ban rakhe ia ka jingdap 25 sbem jong kanr ka phlim, ka Airbnb kan thaw biang ia ka iing ba pawnam ka Raichand House bad kan wanrah ia ka pyrthei jong ka ha Mumbai da ka At Home with the Raichands, ka jingiakynduh ba kyrpang tang ha ka Airbnb ba la pynlong da u nongshna phlim u Karan Johar uba la thaw ia ka pyrthei jong ka K3G, ka Poo, u Rohan Raichand.
Na ka bynta ka phlim kaba la ai ha ngi ia ki katto katne ki tyngshop, ki jingiakren bad ki riam ba itynnad tam jong ki phlim India, ka Raichand House ka ju long barabor ka pyrthei kaba kyrpang ha la ka jong. Ka dei ka jaka ha kaba ka jingbym sngewthuh jingmut ha ka longiing ka la mih, la pynlong ia ki jingrung kiba heh ne ki grand entrances, ka Poo ka la pyni ia ki riam kiba itynnad bad kiba bym lah ban klet bad u Rohan u la jop ia ki dohnud da ka jingitynnad jong u. Mynta, ki nongkyrshan ki lah ban leit palat ban ia ka TV bad mad ia kata ka pyrthei na ka bynta jong ki hi. Khmih lynti ia ka jingkynmaw ia ki por ba rim, ka rukom riam, ka longiing, ka drama khyndiat bad ki lad ki lynti kiba bun ban pyni ia ka jinglong aktor Bollywood ba shapoh jong phi.
Na ka bynta ki pateng kiba bun jong ki nongkyrshan kiba la heh lang bad kane ka phlim, kiba la pynbud ia ki jingkren ki jong ka, bad kiba la thaw hi ia ki khyllipmat kiba paw tam jong kane ka phlim, ka At Home with the Raichands ka dei ka jingkhot sngewbha ban leit phai biang sha kane ka phlim ha ka rukom kaba thymmai. Bad kaba don tang 180 tylli ki jaka kiba lait hapdeng ka 1-6 tarik nohprah, kane ka dei kawei na ki jingkhot sngewbha jong ka longiing kaba phin ym kwah ban pep.
Ka iing kaba la 25 snem ha ka jingshna
Hapoh ar kynta, ki nongwankai kin ioh ban leit jngoh ia ka iing, ban leit biang sha ki por ba ki la tip bha bad ban lap ia ki katto katne ki jingtip ba bniah kiba haduh mynta mynne ki dang long tang kum ki jingmutdur. Hangta ka don ka iing sah kaba itynnad, ka jingleit jngohkai kaba don bad ki sur kaba ngam jylliew lyngba ki jaka ba paw jong kane ka phlim, bad kumjuh ruh, ka jingpeit bniah ïa ka pyrthei jong ka Poo hi.
U Karan Johar, u nongshna phlim bad u direktor jong ka Kabhi Khushi Kabhie Gham, u la ong: “Lada nga phai biang sha ka Kabhi Khushi Kabhie Gham, nga kynmaw ia ka jingsnewtynnad kaba nga ioh mynba nga shna ia kane ka pyrthei kaba kham heh ban ia ka jingim hi, tangba kaba don ia ki jingsngew kiba sngew trai. Ka phlim kaba dei shaphang ka longiing, ka jinglong trai, ki jingiadei bad ka jingmut jong ka longiing. Ki don ki briew kiba la peit ia ka 25 snem mynshwa mynba la pynmih nyngkong ia ka, bad mynta ka don ka pateng ba thymmai kaba pynbud ia ki jingkren ki jong ka, kaba phong ia ki riam kiba la don ha kato ka phlim bad kaba ngop jingieit bad ki tyngshop jong kane ka phlim. Ban iohi ia ka Raichand house ba ka wan long shisha lyngba ka Airbnb, bad ban ai ia ki briew ka lad ba kin iaid lyngba kane ka pyrthei kaba ngi ju ia mutdur la katno snem, ka long kaba kyrpang. Ngam lah ap ba ki nongkyrshan kin ioh mad ia ka.”

Leave a Reply

Your email address will not be published. Required fields are marked *