Thmu ka Fairfax ban pynkylla ia ka IDBI Bank sh aka bank ban ai jingshakri kaba bha tam ha ka pyrthei ha ka liang ka pisa pilain

Ka Fairfax Financial Holdings kaba dei ka shlem bei tyngka na Canada ka don ka jingthmu ban wanrah jingkylla ia ka IDBI Bank ban pynlong ia ka kum ka bank kaba khlain na ka bynta ban ai jingshakri ha ka liang ka pisa pilain ha kaba kan lah ban ai jingshakri wat sha kiwei ki ri ka pyrthei hadien ba la tyrwa ban theid ia ka da k dor kaba long 52,878-klur tyngka na ka 60.72 na ka shispah ka jingpyniaid kaban ha ka kti ka nongbei tyngka.
Ia ka Fairfax, la lam khmat da u heh spah billionaire u Prem Watsa, uba la tyrwa ban theid 81 tyngka kawei ka share, kaba la tam wat ia ka jingbuh thong ba laitluid ka sorkar kaba long 75.99 tyngka. Kane ka jingtyrwa ka kham heh da 56 na ka shispah haba ia nujor bad ka dor jong ka IDBI Bank kaba la thoh katkum ka kot kaba don ki kyndon ne ka regulatory book kaba long 51.85 tyngka kawei ka share kat ha ka 31 tarik U Lber, 2026.
U Peter Clarke, President bad Chief Operating Officer ka Fairfax, u ong ba ka company ka ngeit ba ka IDBI Bank ka don ka jinglah ban long kum ka bank ba bha tam ka India ban treikam bad ai jingshakri ha kylleng ki ri ka pyrthei, kaban iarap ban kyntiew ia ka GDP ka ri bad ka jingim jong ki briew paidbah.
Ka Fairfax ka thmu ban kner ruh ia ki jingshakri sha ka Go Digit General Insurance, Go Digit Life Insurance bad IIFL Capital Services bad ka IDBI Bank, kaba yn wanrah ia ka rynsan kaban peit ia ki jingshakri ha ka liang ka bank, ka insurance, ka investment banking bad ka jingpyniaid ia ka jingdon jingem.
Kane ka jingtyrwa ban thied kan ailad ia ka Fairfax ban don ia ka bor ban synshar, katba ka sorkar bad ka Life Insurance Corporation of India (LIC) kin lah ban bat ia ka bhah kaba 34 na ka shispah.
Kane ka jingïateh ban pynlong ïa ka jingkhaiï ka wan hadien ka jingkylla bad ka jingkiew biang jong ka IDBI Bank ha ka liang ka pisa, hadien ba ka la pynlut jan saw snem hapoh ka jingpeitngor jong ka RBI lyngba ka rukom treikam kaba la tip kum ka Prompt Corrective Action. Naduh kaei ka por ka bank ka la lah ban ioh nong biang kaba long 9000-10,000 klur ha ka snem mang tyngka ba la dep
Kane ka jingiateh kan iai don hapoh jong ki kyndon ba la buh, ki nongthied share bad kiwei kiwei ki jingmynjur.