Ka SAP India ka ban biang halor ka jingpyrshang jong ka ban ai jinghikai halor ki sap AI ban pynkhreh ia ki ar klur ngut ki briew na ka bynta ka lawei treikam ne ka Future of Work jong u snem 2030 

Ka SAP SE (NYSE: SAP) hynne ka sngi ka la pynbna shuh shuh ia ki prokram kiba la pybwandur ban ioh ia ka jingthmu jong ka SAP kaba dang iai bteng ban ai ia ki 2 klur ngut ki briew ha India ia ki buit ki sap kiba iadei bad ka AI shwa ka 2030, kaba iarap ban peit ia ka jingdawa jong ka ri ia ki sap kiba iadei bad ka dijital, bad ban pynkhreh ia ki briew na ka bynta ki lad ki lynti ha ka jingioh jingkot ba la pyntreikam da ka AI. Kaba la tei halor ki prokram ai jinghikai,ki jingai jingtbit bad ki prokram ki ban trei ia ka jaka trei, ka SAP kan treikam bad ki jaka ai jinghiaki, ki nongiatreilang ha ki karkhana, ki shnat treikam sorkar, bad ki sengbhalang ban nang pynhehia ka jingioh jong ki sap ha ka AI, cloud, data, bad ki teknoloji ha ki jakatreikam ha ka kyrdan kaba heh.
Lem bad 28% jong ka bor treikam jong ka STEM ha ka pyrthei bad 23% jong ki sap software engineer kiba ha ka pyrthei, ka India la buh kum ka nongialam ha ka ioh ka kot kaba iadei bad ka AI. Ia ka jingdawa la lah ban iohi ha kylleng jong ki jaka ai jinghikai jong ka SAP, bad ka India ka don ia 48% jong ki nongioh jinghikai kiba la pynskhem da ka SAP ha ka pyrthei baroh kawei, kaba pyni ia ka bynta kaba ka trei ha ki sap kiba don ha ka SAP. Ka jingkut jingmut jong ka India ka nohsynniang sha ka jingkular jong ka SAP ban ai ia ki 12 klur ngut ki briew ha ka pyrthei baroh ia ki sap kiba iadei bad ka AI shwa ka 2030, bad ban pyniasoh ia ki teknoloji kiba ha ka liang ka pule ka puthi bad ka jingtbit ha ka jingtreikam kiba donkam ban pyntreikam ia ka AI ha ka kam khaii bad ki karkhana.
“Ka nongrim jong ka jingkhlain jong ka India ha ka liang ka teknoloji ka ju long iai long ki nongshong shnong ki jong ka. Ka jingpynkhreh ia ki nongshong shnong jong ka India ha ka liang ka teknoloji na ka bynta ka jingkylla kaba hadien jong ki jingpynmih thymmai ka donkam ia ka jingbei tyngka kaba neh ha ka rukom ba ki briew kin ioh jinghikai, pyndonkam ia ki sap ioh ki, bad ban pyndonkam ia ki ha ki jingtrei ki jong ki,” la ong u Manish Prasad, President & Managing Director, SAP Indian Subcontinent. “Ka SAP India ka la wanrah ia ka nongrim kaba skhem. Na ki 2 klur ngut ki briew kiba ngi khmih lynti ban ioh jinghikai ha ki sap kiba iadei bad ka AI shwa ka 2030, jan 13% ki la shim bynta lyngba ka jingpynshisha, ka jingai jinghikai ia ki samla pule bad ki prokram kiba la pynlong ha ki shnong. Kine ki kynthup ia ki nongtrei jong ki nongthied jong ka SAP, kiba iatreilang, bad ki nongtrei kiba dang tei ia ka jingtbit ha ka kam; kumjuh ruh ki samla pule kiba nang wad bniah ia ki teknoloji jong ka SAP, bad ki shnong kiba ioh duna ia ki jingshakri kiba ioh ia ki lad ban ioh ia ka jinghikai haka STEM. Ka jingkut jingmut jong u snem 2030 kan iarap ia ki briew kiba bun ban shna ia ki jinglah ki jong ki ban nohsynniang sha ka jingkiew jong ka ri India kaba la ialam da ka AI.”
Ka SAP kan nang pynbha ia ka jingkut jingmut ka jong ka lyngba ka rukom jingiatreilang kaba kyllum kaba kynthup ia ka sorkar, ki jaka ai jinghikai, ki karkhana, bad ki sengbhalang, ka ban iarap ban nang pyniar ia ka jinglah ioh ia ka AI bad ki sap dijital ha kylleng ka India.
Ka jingpynkhlain ia ki sap lyngba ka jingiatreilang jong ka sorkar bad ka jylla
Ka SAP ka iatreilang bad ki sorkar jylla bad ki jaka ai jinghikai ha ki sap bapher bapher ha kylleng ka India ban pyniadei ia ka jingtbit ha ka teknoloji bad ki jingthmu ba kongsan jong ki nongtrei ha ka thain. Lyngba ki jingpyntreikam kum ka Future Right Skills Network, ka SAP ka iatreilang ruh bad kiba iatreilang ha ki karkhana bad ka tnad pynroi jingtbit bad jingseng kam seng jam ne ka Ministry of Skill Development and Entrepreneurship ban pynkhlain ia ka AI bad ka jingpynkhreh ha ka jaka trei hapdeng ki nongpule ia ki sap trei . Kane ka jingpyntreikam ka pyniasoh lang ia ka jinghikai ba kongsan jong ka AI, ka jingnang ban iakren bad ka jingiakynduh bad ki karkhana na ka bynta ki samla pule ha ki jaka ai jinghikai karkhana ne ki Industrial Training Institutes, ka ban iarap ia ki ban pyndonkam ia ka teknoloji ha ki jaka trei.
Ka jingpyniasoh ia ka jingpule bad ka jingpyntreikam ha ki karkhana
Lyngba ka SAP University Alliances, SAP Learning Hub Student Edition and collaborations with leading educational institutions, ka SAP ka iarap ia ki samla pule ban ioh ia ki sap kiba iadei bad ki karkhana treikam bad ki jingiashem kiba pyndonkam ia ki sap. Kine ki jingpyntreikam ki wanrah ruh ia ki lad ki lynti ban ioh ia ka jingpynshisha ha ka AI, cloud, data, bad ki teknoloji kiba pyndonkam ha ki jala trei. Kine ki prokram ki pyniasoh ia ki rukom ai jinghikai kiba la ioh pynskhem da ka SAP lem bad ki jingiashem na ki karkhana treikam na ka bynta ki khynnah engineering ha kylleng ki jait jingpule. Ka Career Readiness Training Programme kaba dang shu pynmih shen da ka PwC India and SAP India, with KIIT Bhubaneswar ka pyni ia kane ka rukom treikam.
Ka jingpynroi ha ka kam bad ka bor treikam
Ka jinghikai bad ka jingai certificate jong ka SAP ka pynlah ia ki samla pule, ki sap ba dang sdang ha ka kam bad ki riew shemphang kiba la tbit ban tei ia ka jingtbit ba lah ban pyndonkam ha ki teknoloji kiba dang mih, ba kynthup ia ki jingpyndonkam ha ka kam ba la pynlah da ka AI, lyngba ka jinghikai ba la pynshong nongrim ha ka bynta, ka jingpyrshang kaba pyndonkam ia kaei kaba la hikai bad ki jingpynshisha ba la ithuh da ka karkhana. Ki jingpeit bniah ba la pynshong nongrim ha ka jingpyntreikam ki pynshisha kumno ba ki nongpule ki pyndonkam ia ka jingtip kaba ki don ha ki jingjia bashisha, ba kynthup ia ka jingpyndonkam jong ka SAP Joule for Consultants, kaba pyniasoh ia ka jingpynshisha kham jan bad ki jinglah kiba ki nongthung kam ki donkam.
Ki lad ki lynti kiba kynthup lang na ka bynta ka ioh ka kot AI.
Ki prokram ai jingtbit ba kyllum lang jong ka SAP ki wanrah ia ka jinghikai pyntreikam ha ka liang ka teknoloji sha ki kynthei, ki samla pule kiba khlem kam bad ki samla kiba don palat ban ia ki shlem teknology. Ka prokram jong ki imlang sahlang bad ka STEM jong ka SAP ka tyrwa palat 1,100 ki kynta jinghikai ba la pyniasoh lang ha ka AI, ki jingtbit ha ka digital bad ha ka jaka trei, ryngkat bad ka jingai jingmut bad ka jingkyrshan ha ka kam. Shuh shuh, da ki prokram kum ka Code Unnati, ka Digital Academy bad ka AI Careers for Women ka SAP ka pyniasoh ia ki jinghikai ba stad bad ki projek kiba pyndonkam ia kaei kaba ki la ioh jinghikai bad ka jinglam lynti ha ka kam, kaba iarap ia ka kynhun nongpule ba kham heh, ba kynthup ia kito kiba don ha ki jaka ba don ha ka Tier 2 bad Tier 3, ban pynkhreh na ka bynta ki kam ha ka liang ka teknoloji.
Katba ka AI ka la nang don ha ki rukom treikam kiba bun, ka jingthew jong ka jingpynkhreh jong ki jaka treikam kan iaid palat ban ia kaei kaba ngi tip shaphang ka jinglah jong ka teknoloji sha ka jinglah ban pyndonkam ia ka ryngkat bad ka jingiadei bynta, ka jingshlur bad ka jingthmu. Ryngkat lang, kine ki prokram ki pyniasoh ia ka jingai jinghikai ha ka teknoloji lem bad ka jingpyndonkam ia ka bad ka jingpynkhreh jong ki jaka treikam, ka ban nang pynkhlain ia ka sap jong ka India bad ban nang pyniar ia ka jingioh ia ki lad ki lynti ha ka ioh ka kot AI.