Pynmih ka CDSL ia ka Reimagine Ideathon 2.0

Ka Central Depository Services (India) Limited (“CDSL”), ka jaka buh pisa ba nyngkong eh ha Asia bad ka nongpeit jong ki 19+ klur ki account demat, hynne ka sngi ka la pynmih ia ka Reimagine Ideathon 2.0, ka khot sngewbha ia ki khynnah pule na kylleng ka India ban pynmih ia ki lad ba thymmai ban nang pynkhlain ia ka jingtip shaphang ka jinbei pisa bad ka jingshngain jong ki kam ha ki liang cyber na ka bynta ka nongrim jong ki nongbei tyngka kaba nang kham pher bad kaba nang kham pyndonkam da ka kor dijital.
Kaba la pynmih ha ka taiew jong ka World Investor Week 2026, kaba la rkhie ha India hapoh ka mat ‘Samajh Se Investing Simple’, kane ka Ideathon ka bynrap ruh da kaba ai ia ka jingsngewthuh ia ki nongbei pisa bad ki jingthmu ai jinghikai jong ka SEBI Project Jagrook, kaba wanrah lang ia ka SEBI bad ki Securities Market Partners, ba kynthup ia ka CDSL, ban nang pynkhlain ia ka jingtip ha kaba iadei bad ka pisa pilain, ban kyntiew ia ki rukom bei tyngka da ka jingtip bad kyntiew ruh ia ka jingtip halor ki kam thok ha ka liang ka pisa pilain.
U Nehal Vora, Managing Director & Chief Executive Officer, CDSL, u la ong, “ Ka Reimagine Ideathon 2.0 ka ai ia ki khynnah pule bad ki ban ia don bynta ha kane ka iew bad ka lawei ia ka lad ka kabu ban iadon bynta ha kane ka jingiaid lynti bad ban wanrah ia ka jingsngewthuh jong ki halor kumno ba ngi leh ban wanrah ia ka jingtip, ka jingbah khlieh bad ka rukom buh pisa kaba kynthup lang ia baroh.”
Ka Reimagine Ideathon ka iahap ruh bad ka sienjam treikam, ka SEBI’s Mentoring of University/College Students by Trainers (MUST), kaba thmu ban pynkhlain ia ka jingai jingtip shaphang ki kam kiba iadei bad ka pisa pilain, ka jingtip halor ka jingshngain shaphang ka rukom buh pisa hapdeng ki khynnah pule. Katba ka MUST ka pynleit jingmut ban don ka jingtip kaba paka kaba iadei bad ka jingbuh jong ka pisa pilain ha ki jaka pule bad ki skul bad lyngba ki nongai jinghikai kiba tbit, ka Reimagine Ideathon 2.0 ka pynshlur ia ki khynnah pule ban noh synniang lyngba ki jingmut bad ki lad ban pynlong ia ka jingtip jong ki nongbuh pisa ha ka rukom kaba sngewtynnad, kaba suk ban ioh, bad kaba iadei bad ka pateng ka jong ki.
Ki nongiashim bynta ki lah ban jied ia ki rukom, ki teknoloji, ki rukom ban ioh lane ki delivery model, lane ka rukom kaba iahap bad ki lad ki lynti kiba ki tyrwa, kaba kynthup ia ki rynsan dijital, ki mobile apps, ki website, ki chatbot, ki game, ki jingpyniasyriem bad kiei kiei ba shisha ne ki simulations, ki thup jingpule ne ki learning modules, ki jingialap paidbah ban ai jingpynshai, ki nongmuna ha ki shnong ki thaw ne ki community model, lane ki jingiarap lyngba ki AI, napdeng kiwei kiwei. Ia kine ki buit ba la phah yn bishar da ki kynhun nongbishar kiba peit ia ki bynta bapher bapher kiba long katkum ka buit thymmai, ka jingiashem jong ki nongpyndonkam, ka jingktah bad ka jinglah ban pyndonkam, ka jinglah ban pyniar, ka jingsuk ban ioh, ka jingiada ia ki jingtip lane data, bad ka jingshai ha ka rukom pyni. Ia ki nongbishar yn pyniaid da u Shri S. Ramadorai, ka jingtreikam kaba la kynthup ia ka jinglong nonglam khmat ha ki kam khaii, ki kyndon kiba iadei bad ki paidbah bad ka jingthaw ia ki shlem pule, kaba kynthup ka jingshakri kum u CEO bad MD jong ka TCS, u shongknor jong ka BSE, nongai jingmut sha u Myntri Rangbah halor ka kam kaba iadei bad ki buit treikam ne Skill Development, bad mynta u long u shongknor jong ka Karmayogi Bharat.
Ia ka jingpynrung kyrteng yn plie naduh ka 7 tarik Risaw 2026, bad ka pisa kaba lah ban ioh ka long ₹11.5 lak na ka bynta ki san tylli ki kynhuh kiba sha ka kyrdan ba sha khmat.
Ia ka Reimagine Ideathon 2.0 la shna halor ka jingjop jong ka Reimagine Ideathon ba nynkong jong ka CDSL, kaba la ioh kumba 1,000 tylli ki jingpynrung kyrteng na kumba 100 tylli ki jaka pule ha kylleng ki 21 tylli ki jylla bad 2 tylli ki Union Territories, bad ia san tylli ki kynhun la ithuh na bynta ki buit ki jong ha ka Reimagine Symposium kaba man la u snem jong ka CDSL.
Ban nang tip shuh shuh shaphang ka jingpynrung kyrteng, ki jingeh, bad ki rukom bishar, bad ki por ba lah buh yn lap ha ka CDSL Reimagine Ideathon: https://ideathon.cdslindia.com/.