Ai jinghikai ka MIDCE ia ki samla ban sngewthuh halor ka ain

Ka Meghalaya Integrated Development Centre of Excellence (MIDCE) ba la seng da ka sorkar Meghalaya hapoh ka IICA Shillong, Ministry Corporate Bank, ka ai jinghikai ba kyrpang ia ki paidbah halor Corporate Law, Competition Law, Competition Law & Market Regulation, Insolvency Bankruptcy Laws bad Business & Financial Laws ha ka 16 tarik Risaw 2026 ha National Law University, Meghalaya. Ia kane ka prokram la pyniaid da ka tnad Commerce & Industries bad ka tnad Planning, Investment Promotion & Sustainable Development ka sorkar Meghalaya.

Ka jingthmu ka pyni ia ka jingdonkam iatreilang hapdeng ka Sorkar Jylla bad ki jaka treikam ba kyrpang jong ka ri kum ka IICA Shillong ban kyntiew ia ka jingnang jingstad ki samla ka jylla shemphang ka ain. Ka jingseng ia ka MIDCE da ka Sorkar Meghalaya hapoh ka IICA Shillong, ka tnad Corporate Affairs, na bynta ka jingiatreilang hapdeng ki tnad sorkar, ki samla/pule trai ri, ki riew shemphang, ki karkhana, ki kam khaii bad kiwei ki nongshim bynta ha ka roi ka par.

Ka prokram ka long ban plie paidbah ia ki sienjam ba kongsan ban pynkhlain ia ka bor pyniaid ain bad ki bor pyniaid ha ka jylla. Ïa kane ka jingïalang la sdang da ka jingthang sharak da ki riew rangbah bad la ioh ka jingkren maitphang da ka Sangeeta Boruah, Academic Lead & Principal Researcher Entrepreneurship & MSME Ecosystems, IICA Shillong.

Haba ai jingkren u Debarun Kalita, Ophisar on Special Duty (OSD), IICA Shillong, Ministry Corporate Affairs ka sorkar India ula ong haba bishar bniah ia ka jingthmu ban seng ia ka MIDCE hapoh ka IICA Shillong ula ban jur ka jingdonkam kum kine ki jingthmu ba iadei bad ki ain ha jylla mih. U la pynshlur ia ki samla pule ba la jied ka Sorkar Meghalaya na ka bynta ki jinghikai ban shim ki jingmyntoi na kum kine ki jinghikai ba kyrpang bad ban pyndonkam.

U Kalita u la pynpaw ka jingsngewnguh ïa u Director General ka Indian Institute of Corporate Affairs u Gyaneshwar Kumar Singh ban pynlong ia ka prokram halor ka jingthmu kumno ban pyrkhat bad pynwandur bad sdang ia kine ki jinghikai halor ka Corporate Law, Competition Law & Market Regulation, Business & Financial Laws, Insolvency & Bankruptcy Laws na bynta ki samla, ki riew shemphang bad ki nongseng kam seng jam.

Kumjuh bah M. L. Wanshnong, ula pynkynmaw ia ka jinglong kyrpang jong kine ki jinghikai bad ula pynpaw ia ka jingdonkam ki riew shemphang ain ban don ia ka jingtip ba iadei bad ka jingmut jingpyrkhat bad ka jingtreikam halor kine ki jait jingpule ba dang mih. U la pynpaw kane ka jingthmu jong ka MIDCE hapoh ka IICA Shillong ka long kum ka sienjam ba kongsan ban iarap bad sngewthuh ha ka liang ka ain.

U Bah Cyril V. Darlong Diengdoh, IAS, Commissioner & Secretary, Law, Commerce & Industries ka Sorkar jylla ula ong ba ki jinghikai kin ïarap ban pynkylla ïa ki rukom pyntreikam bad ban ai jingmut ia ki kam khaii ha kylleng ka jylla.

Ia ka jingpynlait paidbah ia ki jinghikai da ki kor digital la pynlong da ki riew pawkhmat ba la donlang hadien la ioh ka jingkren na u Dr. Pyla Narayana Rao, Associate Professor, School of Corporate Law & School Competition Law & Market Regulations, IICA, Ministry Corporate Affairs, ula ai ka jingbatai bniah halor baroh saw tylli ki prokram ba dang shu sdang thymmai.