Ka Kynhun Myntri ka Sorkar Jylla hynne ka sngi ka la mynjur ban thaw ia ka Sixth Meghalaya Pay Commission ban khmih bniah ha kaba iadei bad ka jingkyntiew ia ka tulop jong ki nongtrei sorkar.
Haba iakren bad ki nongthoh khubor, u Myntri Rangbah ka Jylla u Conrad K Sangma ula ong ba ka Sorkar kala mynjur bad pynmih ia ka jingpynbna halor ka jingthaw ia ka Sixth Meghalaya Pay Commission.
“Nga sngewkmen ban pynbna, khamtam na ka bynta ki nongtrei ka Sorkar Jylla, ba mynta ka sngi, ngi la mynjur bad thaw ia ka Sixth Meghalaya Pay Commission” ong u Conrad haba iakren bad ki lad pathai khubor hadien ka jingialang ka kynhun Myntri.
Ula ong, ia kane ka Commission yn khlieh da u Chief Secretary barim ka Jylla Bah DP Wahlang ryngkat bad arngut ki Dkhot kiba kynthup ia ki Heh Ophisar kiba la shongthait na ka kam u Bah T Lyngwa bad u Ambrose Marak.
U Conrad ula ong, ba ka Sorkar kala aipor 8 bnai ia ka Commission ba kan pyndep ia kam kumba la byn shet ha ka.
Ula iathuh ba iathuh ba ha ka jingpynbna paitbah la buh ia ki kyndon treikam jong ka Commission, kumta ia baroh ki jingsngewkhia jong ki nongtrei yn sa phah sha ka Commission bad ki nongtrei ki long ruh kiba laitluid ban leit iakynduh ia ka Pay Commission ban pynpaw ia ki jingsngewkhia ki jongki.
Ula iathuh ruh ka daw kaba la pynlong ia ka sorkar ban thaw ia kane ka Commission kadei hadien ba kala don ka jingiakynduh bad ka jingiakren dang ha kine ki 2 bnai kiba la leit ha State Guest House.
You may also like
-
Kurup ki pulit shibun ki kuli MMG na khlaw ha Williamnagar
-
10 lak iarap u Dy.CM Sñiawbhalang Dhar shaka KJP Assembly naka bynta ka Gospel Concert
-
Bat ka KSU 4 ngut ki khar Bangla, suba ba siew T.45 hajar marwei ban rungtuh na Meghalaya
-
Kynduh ki nongialam KSU ia ki nonghikai KJDSTA ban ai jingkyrshan ia ki jingiakhih
-
Ka jingkren jong nga ka dei tang ia ki nongialam ym ia baroh ki nonghikai: Prestone
