Byrngem ka KJDSTA ban pynjur jingiakhih lada mynthi ka sorkar ia ki jingdawa

Ka Khasi Jaiñtia Deficit School Teachers Association (KJDSTA) hynne ka sngi ka la byrngem ban pynjur shuh shuh ia ka jingiakhih lada ka Sorkar kam sngap ban pynurlong ia ki mat jingdawa.

Ha shuwa kane, ka KJDSTA ka la pynlong ka jingialang bad ki School Managing Committee (SMC) jong ki skul Deficit bapher bapher ban pynsngewthuh shuh shuh ïa ki mat jingdawa.

Haba kren sha ki lad pathai khubor hadien ka jingïalang, u President ka KJDSTA u Bah Boswell Pala ula ong, ba ka jingmut ban lum ïa kane ka jingïalang ka long ban pynsngewthuh ïa ki nongïalam jong ki SMC halor ka nongrim kaba ki nonghikai Deficit ki ïeng haba ïa dei bad ka jingdawa jong ki.

U Bah Boswell ula ong ruh ba ka jingïalang ka long kaba sngewtynnat namar ba bun napdeng jong ki SMC, ki ai ka jingkyrshan.

Ulla ong ba haba kadei bad ka jingïakhih ka Association kan dang ïai bteng nangne shakhmat bad ba kan shim ruh da ki sienjam kiba tyngeh.

“Ngin sa shong nongialang bad ki nongialam ka Executive Committee jong ka KJDSTA ban iamir jingmut da kiei ki sienjam ban shim halor ki jingiakhih nangne shakhmat lada ka Sorkar kam sngap bad kam pynurlong iaki mat jingdawa” la ong u Bah Boswell.

Ki mat jingdawa baka KJDSTA ka buh hakhmat ka Sorkar ki kynthup ka Centralised Provident Fund, ka NPS, ka Pension Scheme 2023, ka Pension Scheme 2026 baka KJDSTA kala kyntait bad ka jingkyntiew iaka DA.