Pynlong ka ophis u DSO Nongpoh ïa ka 2nd CMYEP ha Bhoirymbong Block

Ka Ophis U District Sports Ophisar Ribhoi District haka 14 bad 15 Tarik Nailur 2026 ka la btang bn pynlong ïaka lympung ïa kynduh jong ki khun samla ha ki block level lyngba ka program kaba la tip kum ka Chief Minister Youth Engagement Program kaba 2 Sngi.

Ïa katei ka program ka Ophis u District Sports Ophisar Ribhoi haka jingiatreilang lang bad ka Block Development Ophisar, Bhoirymbong ka la lah ban bteng ha Jirang Block ïa katei ka program hakaba ki 160 tam ngut ki khun samla jong ka Block ki la wan ban mihkhmat naki skul bad ki Seng Samla bapher bapher ha katei ka program ka ba 2 Sngi kaba la pynlong ha Mawbri.

Ïa katei ka program la wan ban plie Paidbah da u Bah Isynei Hinge, MDC Umroi Constituency kum u kongsan bad la pynwai pat da u Bah Biliroy Lapang Catechist Sub District Mawbri kum u kongsan bad la sakhi lang ia katei ka program da u Bah Bobby L Nongbet, DSO Ribhoi, ki Nonghikai skul lem bad ki khun samla ka Block Bhoirymbong.

Ha katei ka lympung kaba 2 Sngi, naka liang ka Ophis u DSO ka la buh haduh 11 tylli ki jingiakop, kynthup naduh ka jingiakop Rwai bad shad Tynrai, tem Guitar, put bisli, Quiz, Dro Dur bad Thoh poetry, Ak Drama lyngkot, iakop kren Paidbah (Declamation Contest) lem bad kiwei kiwei.

Ka Chief Minister’s Youth Engagement Programme (CMYEP) ka dei ka prokram jong ka Sorkar Meghalaya bad Ka thong kaba kongsan lyngba kane ka program ka long ban pynkupbor ïa ki samla, ban pyndonkam hok ïa ka bor, ka sap bad ka jingnang jingstad jong ki ban pynlong ïaki ki nongïalam bad ki nongtei ïa ka jylla Meghalaya.

Ban pynmih ïa ki sap ki phong jong ki samla lyngba ki jingïalehkai, jingïakob, jingïashad, rwai, jingïathuhkhana bad kiwei kiwei bad Ban pynkhlaiñ ïa ka jingïatylli bad ka jingïaburom ïa ka kolshor hapdeng ki samla na ki district bad ki shnong bapher bapher.

Ka Ophis u DSO Ribhoi kan nang bteng pat ban pynlong ia katei ka program sa sha kiwei pat block jong ka Ribhoi hakaba ki khun samla kiba shah jied na ki block kin ioh pat ban mihkhmat na ki block sha ka District Level ka ban sa long haka 5 haduh 7 tarik jong u bnai ban wan.