Watla naka liang u Symbud Myntri Rangbah ba khmih ia ka tnat PWD (Roads) u Bah Prestone Tynsong u la kular ban pyndep iaka surok 4 Lane na Umshyrpi sha Baniun Upper Shillong hynrei haduh mynta ki paidbah ki dang hap ban shah ia ka tdem bad pum pum.
Haka jingialang ba khatduh bad ka National Highways & Infrastructure Development Corporation Ltd (NHIDCL), u Symbud Myntri Rangbah u la iathuh ba iaka surok 4 Lane na Umshyrpi sha Baniun Upper Shillong yn pyndep noh haka sngi ba khatduh jong u bnai Nohprah 2025.
Haba iaid lyngba ka surok naduh Jingkieng Umshyrpi shaduh ba kut ka surok 4 Lane ha Baniun, la sakhi ba ki don bun bynta jong ka surok ki bym pat dep ban siang rong.
Watla ki don katto katne bynta bala siang rong hynrei kaba iaid, ki paidbah ki hap ban bam tdem naduh ba sdang naduh Jingkieng Umshyrpi.
La iohi ruh ba ki bynta jong ka surok bala dep siang rong ki kynthup na Lad Lummawbah bad khyndiat na 4 Mer ter ter hynrei kaba bun pat ym shym la pat ban pyndep.
Hato kane ka jingslem ban pyndep ka Company iaka surok 4 Lane na Jingkieng Umshyrpi shaduh Baniun Upper Shillong kan pynbor ne em iaka Sorkar Jylla ban leh eiei pyrshah iaka Company kaba la kular ban pyndep ia kane ka bynta jong ka surok hapoh ka tarik ba khatduh jong u bnai Nohprah 2025.
You may also like
-
Iarap ka shnong Nongrim Jirang ia ki longiing ba shah rat eriong
-
Da ka PIL ujor ka AIM bym ioh jingiarap ki paitbah bym don Aadhaar
-
Kynthoh u Bah Prestone ia ka Congress, hato kam ïohi ia ka jingangnud ki paibah
-
Mar ia sdang ka dorbar mang tyngka ka JHADC wanrah point of Order u MDC Rikut Pareiñ ba jah ka motion
-
Ha ka 25-27 tarik yn long ka 1st Shillong International Film Festival