Watla naka liang u Symbud Myntri Rangbah ba khmih ia ka tnat PWD (Roads) u Bah Prestone Tynsong u la kular ban pyndep iaka surok 4 Lane na Umshyrpi sha Baniun Upper Shillong hynrei haduh mynta ki paidbah ki dang hap ban shah ia ka tdem bad pum pum.
Haka jingialang ba khatduh bad ka National Highways & Infrastructure Development Corporation Ltd (NHIDCL), u Symbud Myntri Rangbah u la iathuh ba iaka surok 4 Lane na Umshyrpi sha Baniun Upper Shillong yn pyndep noh haka sngi ba khatduh jong u bnai Nohprah 2025.
Haba iaid lyngba ka surok naduh Jingkieng Umshyrpi shaduh ba kut ka surok 4 Lane ha Baniun, la sakhi ba ki don bun bynta jong ka surok ki bym pat dep ban siang rong.
Watla ki don katto katne bynta bala siang rong hynrei kaba iaid, ki paidbah ki hap ban bam tdem naduh ba sdang naduh Jingkieng Umshyrpi.
La iohi ruh ba ki bynta jong ka surok bala dep siang rong ki kynthup na Lad Lummawbah bad khyndiat na 4 Mer ter ter hynrei kaba bun pat ym shym la pat ban pyndep.
Hato kane ka jingslem ban pyndep ka Company iaka surok 4 Lane na Jingkieng Umshyrpi shaduh Baniun Upper Shillong kan pynbor ne em iaka Sorkar Jylla ban leh eiei pyrshah iaka Company kaba la kular ban pyndep ia kane ka bynta jong ka surok hapoh ka tarik ba khatduh jong u bnai Nohprah 2025.
You may also like
-
Kyrmen u Symbud Myntri ban lah shim rai noh halor ka them metor
-
Kynnoh jrong kti u nurse shynrang ïa kawei ka samla lud ha NEIGHRIMS
-
Plie u MLA ïa ka Viewpoint ba lah ban iohi ia ka sor Jowai
-
Ïeng skhem ka sorkar bad ki paidbah ban ym shah tih uranium : Symbud Myntri
-
Yn sa shong jingïalang ka KHADC bad KSU halor ka jingkam ba don ki MLA barim ba thied jaka ha Domiasiat