Da ka jingthmu ban pynsngewthuh paidbah ia ka jingdonkam jong ka met kaba koit kaba khiah bad ban pynshlur iaki paidbah ban kiar na ki jingdih buaid kynthup u Drok, 3 ngut ki samla Khasi kila wanpoi sha Nongbah Shillong na Rilum Garo.
Kine 3 ngut ki samla Khasi kata u Bashaiphar Shylla na Ri Bhoi District, u Kynsoijip Ryntathiang na Eastern Hills District bad u Welkinstone Shadap na East Khasi Hills kila sdang ka jingiaid kjat na Tura Garo Hills haka 26 tarik Kyllalyngkot 2026.
Kine ki samla kila pyndep iaka jingiaid kjat kaba palat 290 km tang 8 sngi bad hynne ka sngi kila wan poi sha Nongbah Shillong na Tura.
Haba iakren bad ki lad pathai khubor, kine ki samla ki la ong ba ka jingthmu jong kane ka jingiaid kjat jong ki ka long ban pynsngewthuh ia ki nongshong shnong halor ka jingdonkam jong ka met kaba koit kaba khiah.
Ki la ïathuh ruh ba ha ka jingïaid lynti jong ki, ki la ïoh ïa ka jingïarap na ki paidbah nongshong shnong jong ka Garo Hills kiba ai ka jaka sah bad kiwei kiwei ki jingdonkam bad kumjuh ruh kila ioh jingiarao na ki paidbah nongshong shnong ka rilum Khasi haba ki poi sha ki shnong Khasi ha ka jingïaid lynti jong ki.
You may also like
-
Iathir ki heh shipai Assam Rifles ban pynkhlain bad pyntbit ia ki shipai
-
Mynsaw ki khynnah skul ba kyrwit u phria bad erïong ha Jakhong
-
Kan poi ka por ngin ialeh thma na bynta ka um lada ngim iada ia ki tyllong um:DC
-
T.4.61 klur mang ban tei ia ka R&D Centre ha State Food Testing Laboratory Laboratory
-
Ka Meghalaya ka duna ki ‘Doctor Specialist’, ngi don tang 30 percent: Wailadmiki Shylla