Plie ka Nemichand Bamalwa Jewellers ïa ka jaka die ha Guwahati, pynïar ïa ka jingdie ia ki tiar ba rem dor ha ka thaiñ shatei lamihngi

Ka Nemichand Bamalwa Jewellers (NCB), ka kompany shna jingdeng kaba la jan sawphew snem mynta kaba la paw na ka bynta jingshna ha ka rukom kaba shai bad ha ka rukom shna kaba bha, ka la pynbna paidbah ïa ka jingplie jong ka jaka die jong ka ha Guwahati, kaba long ka dak jong ka jingpyniar ia ka jingdie ïa ki jingdeng ba rem dor ha ka thaiñ shatei lamihngi. Kane ka dukan kaba don ha Ganeshguri ha GS Road, kan plie paidbah ha ka 7 tarik u bnai Rymphang, 2026. Ïa kane ka jaka die la plie pyrda da u Nishita Goswami. Lyngba kane ka jaka die ba thymmai, ki nongthied na Guwahati bad na kylleng ka thaiñ shatei lamihngi kin lah ban thied ïa ki jingdeng na ka thup ba kyrpang signature collection jong ka NCB, kiba kynthup ïa ki jingdeng ïathoh, jingdeng ba leit sha ki iing iathoh, bad ki jingdeng na ka bynta ki jing rakhe ba pher ba pher kiba la shna da ki mawlynnai, ka ksiar, jadau bad ki polki.

Ïa ka NCB la ithuh paidbah kum ka nongshna ba la lam khmat ha ka rukom shna jingdeng ksiar 22/22K, kaba pyntikna ba ki jingdeng kin neh  jong ka jingbha ka 22K wat hadien ba la pynum, ym kum ki rukom tynrai ha kaba ka jingpyndonkam ïa ka pain kaba kham pynduna noh ia ka jingkhuid ka pynduna ia ka dor jong ka ksiar baroh kawei sha ka 18K–20K. Kane ka jingshna thymmai ka la buh ïa ka nongrim na ka bynta ka jinglong kaba shai bad ka jingshaniah jong ki nongthied ïa ki nongshna. 

Ki direktor jong ka kompany, U Pramod Bamalwa, U Vinay Bamalwa bad U Ravi Bamalwa ki la ong ba ka kompany ka la pynlut lai snem ban pyrkhat bniah shaphang ka jing wanrah ïa ka jaka die sha Guwahati ban wanrah ïa ka jingdon kaba trei halor ka “jinglong kylluid, ka jinghok bad ka jing lah shaniah jong ka imlang ka sahlang.” Kane ka kompany ka la ong ba ka jingpynheh jong ka kan nang pynkhlaiñ ïa ka nam jong ka jinglah dor ha juh ka por ruh kan nang pynkhlaiñ ïa ki dienjat jong ka ha ki ïew ba thymmai.