Bthah ka High Court ban jurip ia ka jingmaramot ia ka surokbah Jowai-Ratacherra

Ka iingbishar Meghalaya High Court ka la pynmih ia ka hukum ha ka 6 tarik Naiwieng 2024 halor ka jingjulor ka surokbah (NH-6) hapdeng Jowai bad Ratacherra kaba long 45 km ka jingjrong ka surok hapeng ka long 102-225 km bad na bynta ka 5 km kaba la sniew shaba palat. Ka iingbishar (ben) jong u I.P. Mukerji, Chief Justice bad u B. Bhattacharjee Judge ka la bthah ia ki bor pyniaid ka National Highways Authority of India (NHAI) ban maramot kyrkieh ia ka bynta 5 km khnang ba kan long kab suk ban iaid ki kali.

U S. Sengupta ba mihkhmat na ka (NHAI) ula pynpaw ban kohnguh ia ka hukum ka iing bishar ban maramot kyrkieh ha kane ka jaka kaba jngai 5 km. Katba u K. Khan, u AAG uba mih na ka bynta ka Jylla u pynpaw ka sorkar ka la ai lut ïa ki jingïarap sha ka bor synshar pynthikna ïa ka jingïaid beit ïaid ryntih jong ki kali ha kane ka kam maramot. Shuh shuh u S. Sengupta u pynpaw ïa ka bynta ba dang sah ka jingtrei ban maramot yn pyndep ha u bnai Lber, 2025.

Halor kitei ki nongrim, ngi la btah ia u S. Panthi ban peit bniah ia ka bynta ba la sniew palat ka ba 5 km jong ka surokbah bad ban ai kaiphod lyngkot shwa ka tarik ha kaba iadei bad ka jingai jingmut jong u u S. Sengupta ba la dep maramot ne em ia kane ka bynta.“Ngi bthah ruh ba ka jingtrei maramot ia kaba sah 45 km ka dei ban bteng pyndep ia ka kam maramot kumba la pynthikna da u S. Sengupta. Ka sorkar Jylla kan ai jingiarap ia baroh ban pynthikna ka leit ka wan ki kali ban ym thud katba ka jingpyntrei ia ka kam maramot ka dang iaid” ong ka hukum. Ia ka kane ka PIL yn rah biang ha ka 5 tarik u Rymphang, 2025 ha khmat ka iingbishar ban ioh ia ka kaiphod jong u Amicus Curiae.