Ki MDC ka liang pyrshah ha KHADC ki la kynduh ia u Chief Executive Member (CEM) ka Khasi Hills Autonomous District Council (KHADC) u bah Winston Tony Lyngdoh halor ka jingri sain noh u nongiasaid ain ka Council u bah TT Diengdoh bad ka jingthung bujli ka EC da u bar jylla.
Haba kren sha ki lad pathai khubor, u nongialam liang pyrshah ha KHADC bah Titosstarwell Chyne ula ong ba ha ka jingiakynduh, u CEM ula pynshai ba ka jingiehnoh kam ne risain u Standing Counsel ka Council u bah TT Diengdoh ka dei na ka daw shimet bad kam don eiei ba ia dei bad ki kam mukotduma ka Council. Hynrei na ka liang ki MDC ka liang pyrshah ki la pynpaw ia ka jingsngew bynniaw namar ba ka EC ka la thung bujli da u bar jylla ban long u Standing counsel.
Halor kane, ula ong na ka liang u CEM ula pynshai ba la thung shipor ia u bym dei Khasi, ka dei namar ba duna palat ki riew said sain Khasi bad kin sa bishar biang hadien ia kane. “U CEM ula pynshai ba na ka liang ka Council ka dang wad ban ioh da u briew lajong,” ong u bah Titoss.
You may also like
-
Lada nga jop kum u MP, ngan khyrwait shabi ban pynkut phet seng ki MLA, ong u bah Vivanstone
-
Sdang ka jingkem ksew surok ha Jowai ban ai Injection Rabies
-
Shah beh u Bah Hoping na ka APHLC ba kyntait ia ka Autonomous State
-
Kim neh slem ki Seng Riewlum, ki bun tang ki kular kim lah ban pynurlong: Pala
-
Ngam sngewpher lada shah pynhiar shuki, ka kam MLA ban shakhri paidbah: Methodius Dkhar