Bthah u Bah Sanbor ia ki ophisar ban peit phlim ‘Nayak’ ban pynshitom ia ki nongkhaii beain

U Mynri ka tnat Legal Metrology ka Sorkar Meghalaya u Bah Sanbor Shullai ula ai jingmut ia ki Ophisar ka tnat ban peit ia ka Phlim ‘Nayak’ kum ka nuksa, kumno ban leh ia ki trai dukan ba pynkheiñ ia ka ain Legal Metrology Act 2009.

Ïa kane u Bah Sanbor u la ai jingmut ia ki Ophisar haba pynïaid iaka jingïalang jong ka tnat Legal Metrology ka Sorkar Jylla ban bisahr kam, haba iadei bad ka jingpyntreikam iaka Act 2009.

Haba kren shaki lad pathai khubor u Bah Sanbor u la hukum iaki Ophisar ban trei hok iaka kam bad ban sdang leit jurip iaki dukan ban lap, haduh katno ki trai dukan ki pyntreikam hok iaka rukom, thew iaka jingkhia ki mar mata.

“Nga kyntu ïaki ophisar ba kidei ban peit iaka Phlim ‘Nayak’ ba ak u Anil Kapoor kaba pyni ba u trei hok iaka kam ha kaba wat tang shi sngi u la ioh ban pynshitom iaki bun ngut ki trai dukan kiba pynkheiñ iaka ain thew kilo ki mar mata bad kumjuh ruh iaki Ophsiar ki bym trei hok iaka kam kumba la bynshet haki” la ong u Bah Sanbor.

Nalor kane u Myntri u kyntu ruh ia ki nongshong shnong ba ki dei ban pyntip ia kino kino ki jingleh thok jong ki trai dukan bapher bapher, ki Petrol Pump, ki Weigh Bridge lane ki dukan ba die iaki mar bala song lypa.

“Lada phi lap ba don ka jingleh thoh haba thew iaki mar mata, sngewbha ujor shaki Inspector, sha ki pulit, lane wat ujor sha nga bad ngan pynthikna ba kita kiba leh thok kin shah pynngat haki kyndon ain” u la ong.

U la bynrap ba u la bthah iaki ophisar ban pynkhlain ki Program pynsngewthuh paidbah (Awareness) khnang ba ki paidbah kin sngewthuh ba ka don ka ain ban leh pyrshah iaki ba leh thok haba thew iaka jingkhia ki mar mata.