Ka Sorkar Jylla ka hap ban pynlut palat T.817 klur man u snem naka bynta ban siew tulop shaki 23099 ngut ki nonghikai kiba hap hapoh ka jingpeit jong ka tnat pule puthi ka Sorkar Meghalaya.
Ïa kane ka rai la shim bad la mynjur daka kynhun Myntri Sorkar ban pyntreikam daka rukom siew tulop thymmai alne ka (New Pay Structure) naka bynat ki nonghikai kiba hap haka jingpeit jong ka tnat pule puthi ka Sorkar Meghalaya.
Haba pynbna ïa kane u Myntri Rangbah ka Jylla u Conrad K Sangma u la ong ba iaka rai ban pyntreikam daka rukom siew tulop thymmai la shim naduh u bnai Nohprah 2025 bad kane kadei kum shi bynta ban pynthikna ba ki nonghikai ki ioh ka tulop kaba biang bad wanrah ruh ka jingkylla haka pule dangle.
Haba kren shaki lad pathai khubor u Conrad u la ong ba ka rukom siew tulop thymmai kan sdang treikam naduh 1 tarik Iaiong 2026 bad haki 2 bnai ba dang sah, ka tnat Pule Puthi kan bishar bniah iaki jingdonkam ban pyntreikam iaka New Pay Structure.
“Ka Sorkar kan hap ban pynlut T.817 klur man u snem ban siew tulop iaki palat 23 hajar ngut ki nonghikai” la ong u Conrad.
You may also like
-
Shimkhia ka Sorkar Meghalaya-Assam halor ka jingïakynad ha Lapangap
-
Iaid iaid paidbah ka JSU, JNC ban pyrshah Public Hearing ka Shree Cement
-
Ha ka jingtohkit lap ksai ki pulit ba don ki briew ba shoh ia u Trophimos
-
Ai jingmut ka FKJGP ban khang 4 sngi, plie 3 sngi ia ka surok Shillong-Pynursla-Dawki
-
Rah ka Mawlai Presbyterian ha ka ïakob rwai tynrai bad u Reward ha ka iakob iathuh khana puriskam